Umunya—Esipanye Mikel Malino usanzwe ukinira ikipe ya Real Sociedade ashobora kwerekeza muri Arsenal Mbere y’uko isoko ry”igura n’igurisha rifunga ,tariki 30 Kanama 2024.

Umwaka ushize w’Imikino 2023-2024 ikipe ya Aresnal yashoje Shampiyona ku mwanya wa Kabiri inyuma ya Machester City .
Bimwe mu byagoye umutoza Mikel Arteta ,harimo no kubura umukinnyi wo hagati mu kibuga Tomas Partey wagiye ugira imvune za hato nahato ,bikamuvuramo gutakaza imikino imwe nimwe.
Ubwo isoko ry’igura n’igurisha ryatangiraga abafana ba Arsenal bakomeje gutegereza ko ikipe yabo yajya ku isoko ryo kugura umukinnyi wo hagati waza gufasha Umwongereza Declan Rice
Kuri ubu biravugwa ko Mikel Merino usanzwe akinira Real Sociedade yo muri Esipanye yamaze kumvikana na Arsenal ndetse n’amakipe yombi yamaze kumvikana nk’uko Umunyamakuru w’Umutariyani Fabrizio Romano abitangaza.
Mikel Merino Zazon, yavutse tariki 22 Kamena 1996 avukira mu gace ka Pamplona muri Esipanye .
Merino w’Imyaka 28 akina hagati mu kibuga , yatangiye gukina umupira nk’uwabagize umwuga mu ikipe ya Osasuna kuva 2013-2015, nyuma aza kwerekeza muri Borussia Dortmund kuva 2016 ,gusa ntiyahatinze kuko yaje kujya mu Bwongereza muri 2017 mu ikipe ya Newcastle United .
Nyuma aza kusinyira Real Sociedade muri 2018 ,ikipe batwaranye igikombe cya Copa Del Reay muri 2019-2020 arinayo akinira gugera magingo aya.
Mikel Marino kandi yari mu ikipe y’Igihugu ya Esipanye yatwaye igikombe cy’Uburayi 2024 batsinze Abongereza 2-1.