Umunyabigwi mu mupira w’amaguru wo muri Sénégal, El-Hadji Diouf yagiranye ibiganiro na Minisitiri wa Siporo w’u Rwanda, Nelly Mukazayire ku mahirwe ari mu ishoramari ry’imikino mu gihugu.

Sponsored Ad

Ibi biganiro byabaye ku wa Kane, tariki ya 6 Werurwe 2025 byagarutse ku buryo siporo nyarwanda ishobora gutezwa imbere binyuze mu bufatanye n’abashoramari mpuzamahanga.

Minisitiri Mukazayire na Diouf baganiriye ku mikoranire ishobora gufasha kuzamura urwego rwa siporo mu Rwanda no kongera amahirwe ku bakiri bato bafite impano.

Diouf yaje mu Rwanda aherekeje itsinda rya TotalEnergies rikina umukino w’amagare mu irushanwa rya Tour du Rwanda. Iri rushanwa ryasojwe n’umukinnyi w’iyo kipe, Fabien Doubey wegukanye intsinzi. Uyu munyabigwi wa Sénégal akaba ari we Brand Ambassador wa TotalEnergies.

Iri shoramari ryagarutsweho rije mu gihe u Rwanda rukomeje gufata iya mbere mu gutegura no kwakira amarushanwa mpuzamahanga, ibintu bishobora gukomeza gufungura amahirwe ku bashoramari mu rwego rwa siporo.