skol
Kigali

Mohamed Salah yahishuye ikipe yifuza ko bazahura ku mukino wa nyuma wa Champions League

Imyidagaduro   Yanditswe na: Dusingizimana Remy 4 May 2022

Mohamed Salah nta gushidikanya,yahishuye ikipe ashaka ko Liverpool yazahura nayo ku mukino wa nyuma wa Champions League baraye bagezeho batsinze Villarreal ibitego 3-2 byiyongera kuri 2-0 bari bayitsinze mu mukino ubanza.

Nyuma y’aho Liverpool ibonye itike yo kwerekeza kuri Stade de France mu mpera z’uku kwezi, uyu mukinnyi w’umunya Misiri ntiyagombaga gutekereza kabiri abajijwe uwo bahahurira hagati ya Manchester City na Real Madrid.

Kuri uyu wa kabiri, Salah yatangarije BT Sport ati: "Ndashaka gukina na Madrid.Ndashaka kuvugisha ukuri. City ni ikipe ikomeye rwose, twakinye nabo inshuro nyinshi muri uyu mwaka w’imikino. Ariko umbajije ku giti cyanjye nahitamo Madrid."

Ikipe ya Manchester City yatsinze Madrid ibitego 4-3 mu mukino ubanza wa kimwe cya kabiri cy’irangiza ndetse barakina kuri uyu wa Gatatu uwo kwishyura ubera mu murwa mukuru wa Espagne.

Nubwo Liverpool ihanganye na Manchester City ku gikombe cya Premier League, Salah afite amateka yihariye kuri Real Madrid muri Champions League.

Madrid yatsinze Liverpool ibitego 3-1 ku mukino wa nyuma wa Champions League 2018 nyuma y’uko Salah asimbuwe mu gice cya mbere agize imvune y’urutugu nyuma yo gukururwa hasi na kapiteni w’icyo gihe wa Madrid, Sergio Ramos.

Salah yongeyeho ati: "Badutsinzwe ku mukino wa nyuma,ndashaka guhura nabo, twizere ko natwe tuzabatsinda."

Ikipe ya Liverpool ikomeje inzira yo gushaka ibikombe 4 icyarimwe muri uyu mwaka w’imikino, ubu yageze ku mukino wa nyuma wa Champions League ku nshuro ya 3 mu myaka itanu ishize,kuko nyuma yo gutsindwa na Madrid muri 2018 yatwaye igikombe mu mwaka wakurikiyeho.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kylian Mbappe yavuze impamvu yanze kwerekeza muri Real Madrid,yiyemeza...

Kylian Mbappe yatangaje ko azashyigikira Real Madrid ku mukino wa nyuma wa...
23 May 2022 0

Kiyovu Sports yongeye kuzibukira igikombe cya shampiyona iharira APR...

Ikipe ya Kiyovu Sports yaherukaga gutsinda APR FC impundu zigataha I...
23 May 2022 0

APR FC yatsinze Gorilla FC bigoranye cyane

Ikipe ya APR FC yatsinze Gorilla FC ibitego 2-1 bigoranye, ikomeza...
23 May 2022 0

Ishuri rya PSG ry’u Rwanda muri U-13 ryegukanye igikombe cy’isi

Ishuri rya PSG ryo mu Rwanda U13 rimaze kwegukana igikombe mu irushanwa...
23 May 2022 0

Kwizera Olivier yongeye kwitwara nabi muri Rayon Sports

Umutoza wa Rayon Sports Jorge Paixã yatangaje ko umunyezamu Kwizera Olivier...
23 May 2022 0

AC Milan yatwaye shampiyona nyuma y’imyaka 11 ikurikira izindi

AC yashyize iherezo ku myaka 11 yari imaze idatwara igikombe cya shampiyona...
22 May 2022 0