Biravugwa ko umutoza Jose Mourinho arimo kureba uko yagaruka muri Manchester United yahozemo akanayihesha ibikombe.

Uyu mutoza w’umunya Portugal nta kazi afite,kuva yirukanwe n’ikipe ya AS Roma mu ntangiriro z’ukwezi gushize.

Mourinho w’imyaka 61, yagize ibihe bidasanzwe mu gutoza aho yabashije gutwara ibikombe 26 bikomeye.

Yatoje amakipe nka Porto, Chelsea, Inter Milan, Real Madrid na Tottenham.

Yatangiye kandi gutoza Manchester United hagati ya 2016 na 2018 ubwo yasimburaga Louis van Gaal.

Mu mwaka we wa kabiri kuri Old Trafford, yahesheje amashitani atukura umwanya wa kabiri muri Premier League - yise kimwe mu bikomeye yagezeho mu mwuga we.

Ubu Daily Mail iratangaza ko Mourinho yifuza cyane gusubira muri Man United kuko ngo hari akazi yagiye atarangije.

Ayo makuru yongeraho ko Mourinho yifuza gukorana na Sir Jim Ratcliffe na Ineos kandi ko batera imbere.

Uyu mushoramari mushya yatwaye ibikorwa by’umupira w’amaguru bya Man United kandi yakorana cyane n’umutoza Mourinho.

Mourinho yegukanye igikombe cya Europa League na Carabao Cup mu mwaka w’imikino we wa mbere atoza amashitani atukura.

Yabaye i Roma kuva mu 2021 kandi yahesheje iyo kipe igikombe cyayo cya mbere nyuma y’imyaka myinshi nta na kimwe itwara.