Umutoza mukuru w’ikipe ya Manchester United yatangaje ko amakipe yo mu Bwongereza nta mahirwe afite yo kwegukana igikombe cy’amakipe yabaye aya mbere iwayo ku mugabane w’i Burayi (UEAFA Champions League kuera) uyu mwaka kubera ukuntu ibikombe byo mu Bwongereza bipanze aho nta mwanya w’ikiruhuko babona. Uyu mutoza uraza kwesurana na FC Basel mu ijoro ryo kuri uyu wa kabiri taliki ya 12 Nzeri 2017 yatangaje ko nta mahirwe aha amakipe yo mu Bwongereza muri UCL cyane ko menshi mu makipe akomeye (...)

Sponsored Ad

Umutoza mukuru w’ikipe ya Manchester United yatangaje ko amakipe yo mu Bwongereza nta mahirwe afite yo kwegukana igikombe cy’amakipe yabaye aya mbere iwayo ku mugabane w’i Burayi (UEAFA Champions League kuera) uyu mwaka kubera ukuntu ibikombe byo mu Bwongereza bipanze aho nta mwanya w’ikiruhuko babona.

Uyu mutoza uraza kwesurana na FC Basel mu ijoro ryo kuri uyu wa kabiri taliki ya 12 Nzeri 2017 yatangaje ko nta mahirwe aha amakipe yo mu Bwongereza muri UCL cyane ko menshi mu makipe akomeye I Burayi abona umwanya uhagije wo kuruhuka bityo bikabafasha muri iyi mikino iyo igeze mu mahina.

Yagize ati “Mu mwka ushize ikipe ya Real Madrid yari ifite ikipe nini yabashije gutwara igikombe.Ikipe ya Juventus yatwaye igikombe cya shampiyona habura amezi 3 ngo shampiyona irangire,bibafasha gukoresha neza ikipe yabo.Hano mu Bwongereza shampiyona iba ikomeye kuva ku munsi wa mbere kugeza ku wa nyuma ntitujya tugira ikiruhuko mu mpera z’umwaka.N’imbogamizi kuri twe gusa ndabikunda kuko nkunda ihangana riba mu gihe cya Noheri.”

Uyu mutoza yabitangaje mu kiganiro n’abanyamakuru ku munsi w’ejo taliki ya 11 Nzeri 2017 ubwo yavugaga uko yiteguye umukino w’uyu munsi uraza gutangira ku I saa mbili.