Abahanga bo mu kigo cya Opta Super Computer bamaze gushyira hanze imibare (ijanisha) igaragaza uko ibihugu birutanwa mu mahirwe yo gutwara AFCON2023.

Sponsored Ad

Ibihugu 24 mu mupira w’amaguru bizaba biteraniye muri Cote d’Ivoire kuva taliki ya 13 y’ukwezi kwa mbere kugeza ku ya 11 z’ukwezi kwa kabiri,bihatanira igikombe cya Afurika ku nshuro ya 34.

Ikipe ya Senegal yatwaye igikombe cya Afurika giheruka niyo inahabwa amahirwe yo kucyisubiza.

Senegali imaze kwitabira igikombe cy’Afurika inshuro 16, ndetse yatsindiwe ku mukino wa nyuma mu 2002 no mu 2019. Abakinnyi bo guhanga amaso ni Sadio Mane ukinira Al- Nassr,Nicolas Jackson,Gana Gueye,Kalidou Koulibaly,Diatta,Sarr n’Umunyezamu wayo Edouard Mendy.

Ku mwanya wa kabiri haje igihugu cya Cote d’Ivoire kizakira iri rushanwa ku nshuro ya kabiri nyuma y’imyaka 40, kuko cyaherukaga kuryakira mu 1984.Kimaze gutwara iki gikombe kabiri mu 1992 no mu 2015.

Mu bakinnyi ba Cote d’Ivoire bahanzwe amaso, harimo Sebastien Haller ukinira Dortmund mu Budage,Nicolas Pepe wa Trabzonspor, Seko Fofana wa Al Nassr yo muri Arabiya Sawudite, Evan Ndicka ukinira AS Roma mu Butaliyani,Sangare wa Nottingham n’abandi.