skol
Kigali

Mugabo Gabriel wafatiwe ku kibuga ashinjwa gusambanya umugore w’abandi yarekuwe

Imyidagaduro   Yanditswe na: Dusingizimana Remy 18 June 2021

Myugariro wa Sunrise FC,Mugabo Gabriel,watawe muri yombi tariki ya 10 Kamena 2021,kuri stade yiswe Gologota,nyuma y’umukino Sunrise FC yari yakiriye Gasogi United bakanganya igitego 1-1,yarekuwe.

Nyuma y’uyu mukino Mugabo Gabriel yakinnye, yahise atabwa muri yombi na polisi ndetse n’urwego rw’igihugu rw’ubugenzacyaha(RIB).

Uyu mukinnyi watawe muri yombi nyuma y’uyu mukino w’umunsi wa 3 wa shampiyona mu cyiciro cy’amakipe ahatanira kutamanuka mu cyiciro cya kabiri,yashinjwaga gusambanya umugore w’undi mugabo ku ngufu gusa ikipe ye yatangaje ko yarekuwe.

Babinyujije ku rukuta rwabo rwa Twitter, Sunrise FC yemeje ko Mugabo Gabriel yagizwe umwere, ararekurwa. Ubwo butumwa bugira buti: ”Buri gihe ukuri kuratsinda! Welcome back Gaby”. Iyi yahise ishyiraho ifoto y’uyu mukinnyi yambaye umwenda wa Sunrise FC.

Byavugwaga ko Mugabo yakoze icyo cyaha tariki ya 12 Gicurasi 2021 akomeza kwihisha inzego z’umutekano. Uyu myugariro yamaze kugaruka mu rugo, akaba agiye gukomeza gufasha iyi kipe mu rugamba irimo rwo gushaka uko yasoza shampiyona y’uyu mwaka iri mu makipe meza.

Ubwo Mugabo yari amaze gutabwa muri yombi,umuvugizi wa RIB, Dr Murangira B. Thierry yavuze ko uyu mukinnyi yashinjwaga icyaha cyo gukoresha ku gahato imibonano mpuzabitsina umugore w’imyaka 27.

Ati"Icyaha akurikiranyweho ni ugukoresha ku gahato imibonano mpuzabitsinda umugore w’imyaka 27. Icyaha yagikoze tariki ya 12 Gikurasi agikorera mu karere ka Nyagatare akaba ari naho yafatiwe."

Mugabo yageze muri Sunrise avuye muri KCB yo muri Kenya, akaba yaranakiniye amakipe atandukanye yo mu Rwanda arimo Mukura, Police FC na Rayon Sports.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rayon Sports yatsinze Etoile de l’Est mu buryo butavuzweho rumwe /AS Kigali...

Ikipe ya Rayon Sports yaherukaga gutsindwa na APR FC ibitego 2-1 yatsinze...
27 November 2021 0

Ishuri ryigisha umupira rya PSG ryatangiye ku mugaragaro mu Rwanda havugwa...

Umuhango wo gutangiza ku mugaragaro mu Rwanda ishuri ryigisha umupira...
27 November 2021 0

Umutoza Manchester United izazana mu mpeshyi yamaze kumenyekana

Nyuma yo kubura Zinedine Zidane na Mauricio Pochettino,ikipe ya Manchester...
27 November 2021 0

Hagiye hanze amakuru y’umukinnyi watorewe kwegukana Ballon d’Or...

Amakuru akomeje gucaracara ku rubuga rwa Twitter aravuga ko Lionel Messi...
27 November 2021 0

Niyonzima Olivier "Seif" yasabye imbabazi nyuma yo guhagarikwa mu...

Umukinnyi Niyonzima Olivier uzwi nka "Seif" uheruka guhagarikwa mu ikipe...
26 November 2021 0

Ikipe imwe hagati ya Portugal n’Ubutaliyani ntizitabira igikombe cy’isi...

Hasohotse tombola y’uburyo amakipe y’i Burayi azahura mu mikino ya...
26 November 2021 0