Umunsi wa Rayon Day uteganyijwe kuba ku munsi w’ejo taliki ya 3 Kanama, hari byinshi byagiye bihinduka, ibyakozwe ndetse n’ibiteganyijwe gukorwa kuri uyu munsi nyirizina.

Sponsored Ad

Ku munsi w’ejo tariki 3 Kanama nibwo hateganyijwe umunsi wa ’Rayon Day’
uzabera kuri Kigali Pele Stadium, aho biteganyijwe ko ibi birori bizasozwa n’umukino uzahuza Rayon Sports na AZAM FC yo muri Tanzania.

Ni ibirori byabanjirijwe n’icyumweru cya ’Rayon week’ aho hagiye habamo ibikorwa bitandukanye byo gutegura uyu munsi. Hakinwe imikino ya gishuti itatu, aho ikipe ya Rayon sports yakinnye n’Amagaju kuri Stade Huye, umukino warangiye ikipe ya Rayon Sports itsinze ibitego 3-1.

Hakurikiyeho umukino wa Musanze kuri Stade Ubworoherane, aho umukino warangiye ikipe ya Rayon Sports itsinze Musanze 3-1.

Rayon Sports yasoje iki cyumweru ikina na Muhazi FC kuri Kigali Pele Stadium, umukino warangiye Rayon Sports itsinze Muhazi 1-0.

Muri Rayon week bashyize hanze imyenda ikipe ya Rayon Sports izakoresha mu mwaka w’ikino 2024-2025, ndetse baha rugari abafana bifuza kugura iyi myenda.

Muri Rayon week ikipe ya Rayon Sports yakiriye umutoza mukuru Robertihno ndetse n’abungiriza bazayifasha muri uyu mwaka w’imikono 2024-2025.

Mu gitondo cyo kuri uyu wa Gatanu nibwo Azam FC izakina na Rayon Sports kuri Rayon Day yageze mu Rwanda.

Hamenyekanye kandi abahanzi bazifashishwa mu gususurutsa abantu muri ibi birori aho PLATIN-P ndetse na BUSHAL uzwi mu ijyana ya Kinya Trap, utibagiwe na DJ BRIANE umunyerewe mu kuvanga imiziki.

Hamaze kumenyekana abashyushyarugamba bazifashishwa mu birori bya Rayon Day aho umuvugizi wa Rayon Sports, Roben Ngabo azafatanya na FAUSTE SIMBIGARUKAHO na WASILI.

Hari kandi zimwe mu mpinduka zabaye, nk’aho ibirori byagombaga kubera kuri Stade Amahoro by’imuriwe kuri Kigali PELE Stadium.