skol
Kigali

Mugisha Moise yahishuye ikintu cyamutunguye mu Mikino Olimpike n’isomo rikomeye yize

Imyidagaduro   Yanditswe na: Dusingizimana Remy 26 July 2021

Umukinnyi Mugisha Moise uri mu ba mbere mu Rwanda mu mukino wo gusiganwa ku magare yatangaje ko umuvuduko abakinnyi baherutse guhurira mu irushanwa ryo gusiganwa mu muhanda mu mikino ya Olimpike uteye ubwoba ndetse watumye yiyemeza gukuba 2 cyangwa 3 imyitozo akora.


Ku wa gatandatu w’icyumweru gishize nibwo abakunzi b’umukino w’amagareku isi barebye isiganwa ryo mu muhanda mu bagabo mu mikino ya Olempike by’umwihariko abo mu Rwanda bari bitaye kuri Mugisha Moïse wavuye mu irushanwa amaze gukora ibirometero 140 muri 234 byakinwe.

Abasiganwa hafi 130 bahagaze neza kurusha abandi mu bihugu byabo, barimo Abanyafurika 22, barushanwaga gusiganwa 234Km.

Carapaz Richard wo muri Ecuador ni we wegukanye umudari wa zahabu akoresheje amasaha 6:05:26.Yakurikiwe na Wout Van Aert na Tadej Pogacar bose bahanganye muri Tour de France.

Ubwo iri rushanwa ryari rirangiye,Mugisha w’imyaka 24,avuga ko iri siganwa rigitangira yabonye "ibintu biri kugenda uko ntabitekerezaga, nkabona biri hejuru cyane".

Ati: "Ni isiganwa riri hejuru cyane, mbona rirenze na za Tour de France kuko abayivuyemo bose twahuriye hano, ni isiganwa rikomeye cyane."

Mugisha avuga ko ikigereranyo cy’umuvuduko w’abasiganwa cyari hagati ya 60 na 70Km/h ahatambika.

Ati: "’Cadence’ (umuvuduko mu kunyonga) yabo yo mu misozi ni 30 (Km/h) idacika, iyo utazi kuyihanganira aho mu misozi baguta aho ngaho."

Isiganwa rirangiye ni bwo abari bategereje kubona Mugisha bamenye ko yakoze impanuka bageze kuri 140Km ntabashe gukomeza.

Mu kiganiro cyatanzwe n’abashinzwe amakuru b’ikipe y’u Rwanda iri i Tokyo, Mugisha yavuze ko bari bageze kuri 140Km muri 234Km bagombaga gusiganwa.

Ati: "Naje gusubira inyuma njya inyuma y’imodoka ya komiseri ngo mpamagare imodoka yanjye intwaje amazi n’ibiryo.

"Mu gihe itarangeraho komiseri niba hari ikintu yikanze ntabwo mbizi yahise afunga imodoka, kubera ko imodoka iba iri kwiruka n’igare riri kwiruka kandi ikintu kigutunguye ntiwafata feri ngo bikunde, naje guhita ngwa muri iyo modoka mva mwisiganwa gutyo.

"Mu by’ukuri si uko nari naniwe, si uko nari mbuze imbaraga, ahubwo ni iyo mpanuka nahuye nayo, kuko nari ngiye guhaguruka ngo nkomeze isiganwa abaganga barambwira ngo nakomeretse cyane banjyana kwa muganga, byageze naho bandoda kuko icyuma cyansatuye ku mutwe hafi y’ijisho."

Mugisha avuga ko iri siganwa yabonye rikomeye ku buryo ryamuhaye isomo ko "nkwiye kugenda nkakuba kabiri cyangwa gatatu imyitozo nkora."

Abakinnyi b’u Rwanda basigaye guhatana n’igihe bazakinira

Kwiruka ku maguru:

Marthe Yankurije - 5,000m abagore (Ku wa mbere 02/08 13:00 - 16:00 isaha yo mu Rwanda)

John Hakizimana - Marathon (42km) abagabo (Ku cyumweru tariki 08/08)
Koga:

Alphonsine Agahozo - 50m freestyle - abagore (Ku cyumweru tariki 01/08)

Eloi Maniraguha - 50m abagabo (Ku cyumweru tariki 01/08)

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Messi yahishuye amakipe aha amahirwe yo kugora PSG muri UEFA Champions...

Umunyabigwi mu mupira w’amaguru ukinira PSG, Lionel Messi, yashyize...
14 October 2021 0

Ombolenga agiye kumara ukwezi kose adakinira APR FC

Omborenga Fitina, umunyarwanda ukina ku ruhande rw’iburyo yugarira muri APR...
14 October 2021 0

Wa munya Brazil waje gukinira Rayon Sports yavuze intego ikomeye imuzanye...

Rutahizamu ukomoka muri Brazil,Chrismar Malta Soares,waje gukinira Rayon...
14 October 2021 1

Agnes Tirop wahagarariye Kenya mu mikino Olimpike i Tokyo yiciwe mu rugo...

Ibitangazamakuru byo mu gihugu cya Kenya biri kuvuga cyane ku rupfu rwa...
13 October 2021 0

N’golo Kante yakoze ku mutima abakozi bo muri Resitora yagiye gufatiramo...

N’golo Kante yongeye kwerekana ko ari we mukinnyi wicisha bugufi kurusha...
13 October 2021 0

Edinson Cavani yasabwe gukora ikintu gikomeye kubera Cristiano...

Rutahizamu Edinson Cavani yasabwe kuva muri Manchester United kubera ko...
13 October 2021 0