Umukinnyi Mugunga Yves yandikiye ikipe ya SC Kiyovu Sports ayisaba gutandukana nayo ku mpamvu zirimo ko yahawe Miliyoni inwe muri 2 bemeranyijwe avuye muri APR FC.

Mugunga Yves avuga ko Kiyovu yaje kumuha sheki itazigamiye ageze kuri Banki abura uko yifata biza byiyongera ku mezi 3 amaze adahembwa.

Impamvu ziri mu ibaruwa, ashingiraho asaba gutandukana n’Urucaca ni izi zikurikira:

– Amaze amezi 3 adahembwa muri iyi kipe.

– Mugunga avuga ko yahawe sheke itazigamiwe ku mafaranga iyi kipe yamusigayemo ubwo yazaga muri Kiyovu.

Uyu musore yanditse ko yari amaze iminsi arwaye, ku buryo agowe n’ubuzima arimo.

Yaje muri Kiyovu Sports avuye muri APR FC yarerewemo, akaba nayo yayimenyesheje ko ashaka kuva muri Kiyovu akajya gushakira ahandi.

Uyu mukinnyi aravugwa mu makipe yo mu mujyi arimo Rayon Sports.