skol
Kigali

Muhitira Felicien ukomeye mu gusiganwa MARATHON yakuwe ku rutonde rw’abazakina imikino Olempike

Imyidagaduro   Yanditswe na: Dusingizimana Remy 30 June 2021

Komite Olempike mu Rwanda yatangaje ko kizigenza mu gusiganwa ibirometero byinshi,Muhitira Félicien uzwi nka Magare yakuwe ku rutonde rw’abazahagararira u Rwanda mu mikino Olempike izabera Tokyo, kubera gusohoka mu mwiherero nta ruhushya.


Magare usiganwa ku maguru mu ntera ndende, akaba yabaye anahagaritswe mu bikorwa byose bya komite Olempike y’u Rwanda nyuma yo gukora amakosa.Yiteguraga gukina Marato mu mikino Olempike.

Muhitira Félicien bakunda kwita Magareyari amaze igihe kinini yitegura kuzitabira iyi mikino ya Olimpike izabera i Tokyo mu Buyapani ariko iyo myitozo yamubereye imfabusa kuko yirukanwe mu ikipe y’igihugu kubera ko yavuye mu mwiherero adahawe uruhusa.

Itangazo rya Komite Olempike mu Rwanda, rivuga ko Muhitira Félicien alias Magare kuri uyu wa Kabiri tariki 29 Kamena yavuye mu mwiherero atabisabiye uburenganzira Umutoza ndetse n’ubuyobozi bwa Komite Olempike.

Rikomeza rivuga ko kubera iryo kosa akuwe mu mwiherero kubera kwica amabwiriza yo kwirinda Covid-19 ndetse ko atazakina imikino Olempike.

Magare watangiye gukina nk’uwabigize umwuga muri 2016,n’umwe mu bakinnyi bakomeye u Rwanda rufite kuko yatwaye amarushanwa mpuzamahanga nka 1/2 cya Marathon Marvejois-Mende.

Iri rushanwa yaritwaye imyaka itatu ikurikirana, 2017 atwara 1/2 cya Marato ribera Congo Brazzaville.

Muhitira Felicien uzwi nka Magare ni umukinnyi umaze gukina amarushanwa akomeye nka: Shampiyona y’Isi yabereye muri Qatar 2018, Cross country yabereye mu Bushinwa 2015 aho yabaye uwa 30, Shampiyona y’Isi yo gusiganwa mu muhanda yabereye muri Danemark 2014.

Aya marushanwa yayakinnye ari mu kipe y’igihugu. Amarushanwa yakinnye ku giti cye harimo 20 KM de Paris amaze gukina inshuro ebyiri, imwe yabaye uwa kane, indi aba uwa kabiri, Marathon ya Athens mu Bugereki 2019, Semi Marathon Congo Brazzaville amaze kwegukana inshuro eshatu ziheruka na Semi Marathon ya Bahrain ihuza abakinnyi ba Adidas n’abakinnyi ba Nike.

Magare yavuze ko yarenganyijwe kuko ngo yasohotse mu mwiherero asabye uruhushya rwo kujya kunywa umuti umurutsa uburozi.

Magare yavuze ko akiri umwana yarozwe bakaza kumurutsa ariko ibyo bintu bikaba bijya bimugaruka aho hari umuti anywa 2 mu mwaka ukagira ibyo umurutsa, kuri iyi nshuro ngo byamufashe ari mu mwiherero hafi gupfa banze ko awunywa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hamenyekanye umutoza Cristiano Ronaldo yifuza ko asimbura Solskjaer

Umutoza wa Ole Gunnar Solskjaer akomeje guhura n’igitutu kuri Old Trafford...
20 October 2021 0

"Umunya Brazil Chrismar Soares ntazatangirana Shampiyona na Rayon Sports "-...

Umutoza wa Rayon Sports,Masudi Irambona Juma,yatangaje ko mu bakinnyi afite...
20 October 2021 0

FIFA yahaye igihano gikomeye Rayon Sports kubera kwambura umukinnyi...

FIFA yahaye Rayon Sports igihano cyo kutazagura abakinnyi bashya guhera...
19 October 2021 0

Umutoza Solskjaer yashwanye na rutahizamu we bapfa ibyo yamuvuzeho

Abahagarariye Marcus Rashford ntabwo bishimiye umutoza wa Manchester United...
19 October 2021 0

Rayon Sports yasinyishije abakinnyi 3 b’inararibonye bayinyuzemo

Ikipe ya Rayon Sports yatangaje ko yamaze gusinyisha amasezerano y’umwaka 1...
18 October 2021 0

Bakame yasinyiye Police FC yemeye kumuhemba umushahara utubutse

Umunyezamu w’umunyabigwi mu Rwanda,Ndayishimiye Eric uzwi nka Bakame yasinye...
18 October 2021 0