Ku nshuro ya kabiri muri shampiyona y’uyu mwaka,Mukura VS yahagamwe APR FC banganya igitego 1-1,bituma Kiyovu Sports ifata umwanya wa mbere wa shampiyona kuko yatsinze Etincelles igitego 1-0.
Abafana buzuye ikibuga cya Stade Huye bishimira ko ikipe yabo Mukura VS yongeye guhagama APR FC bakanganya igitego 1-1 ndetse yaherukaga kuyitsinda igitego 1-0 ihagarika agahigo kayo ko kumara imikino 50 idatsindwa.
APR FC yafunguye amazamu Ku munota wa 24 ku gitego cyatsinzwe na Kwitonda Alain Bacca (...)

Sponsored Ad

Ku nshuro ya kabiri muri shampiyona y’uyu mwaka,Mukura VS yahagamwe APR FC banganya igitego 1-1,bituma Kiyovu Sports ifata umwanya wa mbere wa shampiyona kuko yatsinze Etincelles igitego 1-0.

Abafana buzuye ikibuga cya Stade Huye bishimira ko ikipe yabo Mukura VS yongeye guhagama APR FC bakanganya igitego 1-1 ndetse yaherukaga kuyitsinda igitego 1-0 ihagarika agahigo kayo ko kumara imikino 50 idatsindwa.

APR FC yafunguye amazamu Ku munota wa 24 ku gitego cyatsinzwe na Kwitonda Alain Bacca byayifashije kuyobora umukino.

Igice cya Mbere cyarangiye iyi kipe y’ingabo z’igihugu iri imbere n’igitego kimwe ku busa bwa Mukura.

Mu gice cya kabiri, Mukura VS yahinduye byinshi bituma ibona igitego cyo kwishyura ku munota wa 65 gitsinzwe na Opoku William kuri penaliti.

Uyu Opoku yabonye amahirwe akomeye mu minota ya nyuma imbere y’izamu ayapfusha ubusa.Umukino warangiye Mukura VS&L itesheje APR FC amanota 5 mu mikino yombi bakinye.

Nyuma y’umukino Adil Mohamed yanze gusuhuza mugenzi we utoza Mukura, Tony Hernandez.

Igitego cya Mugenzi Bienvenue cyahesheje intsinzi Kiyovu Sports imbere ya Etincelles FC biyifasha kurara ku mwanya wa mbere ku rutonde rwa shampiyona.

Ku munota wa 14, nibwo Mugenzi Bienvenue yafunguye amazamu n’umutwe ku mupira wari uvuye muri koruneri yari itewe na Nshimirimana Ismail.

Nyuma y’umunsi wa 21 wa shampiyona, Kiyovu Sports yafashe umwanya wa mbere n’amanota 47, APR FC ifata umwanya wa 2 n’amanota 45, , Mukura ni iya 3 n’amanota 37.

Uko umunsi wose wagenze:

Mukura VS 1-1 APR FC
Marines 1-1 Police FC
Gasogi 1-1 Etoile de l’Est

Urutonde

1. KIYOVU Sports 47 Pts
2. APR FC 45 Pts
3. Mukura VS 37
4. Rayon Sports 35
5. AS Kigali 32

Umunsi wa 22:

Rayon Sports vs KIYOVU
APR FC vs Rutsiro FC