skol
Kigali

"Muri Mutarama tuzaba dufite amakuru kuri Mbappe"-Florentino Perez

Imyidagaduro   Yanditswe na: Dusingizimana Remy 5 October 2021

Perezida wa Real Madrid, Florentino Perez,yizeye ko mu kwezi kwa Mbere abafana bazumva byinshi ku byerekeye kugura rutahizamu w’Ubufaransa,Kylian Mbappe,bamaze imyaka myinshi bifuza.


Muri Kanama, Real Madrid yananiwe gusinyisha Kylian Mbappe ukinira Paris Saint-Germain, ariko uyu rutahizamu uzasoza amasezerano mu mpeshyi itaha.

Amasezerano ya Mbappe na PSG azakomeza kugeza mu mpeshyi ya 2022 kandi uyu mufaransa mpuzamahanga azaba afite uburenganzira bwo kuganira ku byerekeye ejo hazaza he n’ikipe iyo ari yo yose guhera ku ya 1 Mutarama.

Perez yabwiye El Debate ati: "Muri Mutarama tuzaba dufite amakuru kuri Mbappe."

"Turizera ko ku ya 1 Mutarama ibintu byose bizakemuka."

Ariko, nyuma gato, Perez yaje gusobanura icyo yashakaga kuvuga.

Ati: "Amagambo yanjye yasobanuwe nabi. Icyo navuze ni uko tugomba gutegereza umwaka utaha kugira ngo tumwumve,ku byerekeye PSG,ubu dufitanye umubano mwiza".

Perez yanaganiriye ku bijyanye no kuvugurura umushinga wa Estadio Santiago Bernabeu anatanga icyerekezo ku kibuga cya Real Madrid.

Ati: "Kizaba ari ihuriro ry’umujyi wose wa Madrid."

"Nta stade imeze nka yo kandi nta n’imwe iri hagati mu mujyi munini nk’iyacu."

Perezida wa Real Madrid yatangaje igihe iyi kipe izatsindira ikibazo cy’ubukene cyugarije amakipe menshi kubera ibibazo bya COVID-19.

Perez yagize ati: "[Twavuye kuri miliyoni 900 z’amayero [twinjiza] tugera kuri miliyoni zisaga 600 z’amayero."

"Birashoboka ko bizatwara imyaka igera kuri itatu kugira ngo dusubire ku mibare twinjizaga mbere y’icyorezo."

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rayon Sports yatsinze Etoile de l’Est mu buryo butavuzweho rumwe /AS Kigali...

Ikipe ya Rayon Sports yaherukaga gutsindwa na APR FC ibitego 2-1 yatsinze...
27 November 2021 0

Ishuri ryigisha umupira rya PSG ryatangiye ku mugaragaro mu Rwanda havugwa...

Umuhango wo gutangiza ku mugaragaro mu Rwanda ishuri ryigisha umupira...
27 November 2021 0

Umutoza Manchester United izazana mu mpeshyi yamaze kumenyekana

Nyuma yo kubura Zinedine Zidane na Mauricio Pochettino,ikipe ya Manchester...
27 November 2021 0

Hagiye hanze amakuru y’umukinnyi watorewe kwegukana Ballon d’Or...

Amakuru akomeje gucaracara ku rubuga rwa Twitter aravuga ko Lionel Messi...
27 November 2021 0

Niyonzima Olivier "Seif" yasabye imbabazi nyuma yo guhagarikwa mu...

Umukinnyi Niyonzima Olivier uzwi nka "Seif" uheruka guhagarikwa mu ikipe...
26 November 2021 0

Ikipe imwe hagati ya Portugal n’Ubutaliyani ntizitabira igikombe cy’isi...

Hasohotse tombola y’uburyo amakipe y’i Burayi azahura mu mikino ya...
26 November 2021 0