skol
Kigali

Musanze FC y’abakinnyi 10 yatsinze APR FC,Kiyovu Sports itsinda AS Kigali

Imyidagaduro   Yanditswe na: Dusingizimana Remy 16 February 2022

Ikipe ya Musanze FC yabaye ikipe ya kabiri itsinze APR FC muri shampiyona mu myaka irenga 2 ishize mu mukino wa shampiyona w’umunsi wa 17 bituma Kiyovu Sports iyisatira kuko yo yatsinze AS Kigali.

Kuri uyu umunsi wa 17,APR FC yari yerekeje i Musanze guhangana n’iyi kipe yaho ariko ntibyayoroheye kuko yatsinzwe igitego 1-0 cyatsinzwe na Amran NSHIMIYIMANA cyabonetse ku munota wa 5 w’inyongera kuko iminota 90 isanzwe y’umukino yari yarangiye.

Iki gitego cyatsinzwe na Nshimiyimana Imran, cyaje gikurikira ikarita y’umutuku yahawe umukinnyui wa Musanze kuko cyabonetse ikipe ya Musanze ari abakinnyi 10 mu kibuga.

Mu mikino 5 Musanze FC yaherukaga kwakiramo APR FCmuri shampiyona, yatsinze 1 kuya 28 Mutarama 2015 nabwo igitego 1-0,banganya 1, APR FC itsinda 3.

Musanze FC itahabwaga amahirwe,yashyigikiwe n’abakunzi bayo bari benshi cyane kuri uyu wa Gatatu, bituma icyura amanota 3.

Ku rundi ruhande,Kiyovu Sports yaherukaga gutsinda AS Kigali muri 2018,yakoze ibyo yasabwaga iyitsinda igitego 1-0 mu mukino ukomeye wabereye kuri stade ya Kigali.

Igitego cya Cedric Mugenzi ku munota wa 45 nicyo cyahesheje amanota Kiyovu Sports biyifasha gusatira APR FC.

Kiyovu Sports nyamara yatsinze ikindi gitego cyiza nyuma y’aho,ubwo umunyezamu Bate Shamiru yaherezwaga umupira ananirwa kuwufunga uramucika urenga umurongo ariko awugaruza amaboko.

Umusifuzi w’uyu mukino,yavuze ko uyu mupira utarenze umurongo ahubwo yawugaruje amaboko,ahabwa ikarita itukura, n’umusifuzi atanga coup franc.

Mukura Victory Sports et Loisirs niyo kipe ihagaze neza kurusha izindi muri iyi minsi kuko itaratakaza inota na 1 mu mikino 5 iheruka gukina muri Shampiyona y’uyu mwaka kandi harimo iyo yatsinzemo APR FC na Rayon Sports.

Uyu munsi yakiriwe na Gasogi United iyitsinda igitego 1-0 cyatsinzwe na William Opoku Mensah ku munota wa 51 kuri penaliti.

Mukura VS iheruka gutsinda:

Mukura 3-2 Musanze
Mukura 1-0 Etincelles
APR FC 0-1 Mukura
Mukura 1-0 Rayon Sports
Gasogi 0-1 Mukura

APR FC niyo ikiyoboye shampiyona n’amanota 37 aho irusha Kiyovu Sports amanota 2 mu gihe izindi zibakurikiye bazirusha menshi.

Kuri uyu munsi,abasifuzi batanze amakarita menshi y’umutuku kuko amakipe 4 yose yarangije ari abakinnyi 10.Aya arimo AS Kigali,Gorilla FC,Marines FC,Musanze FC

Uko imikino y’uyu munsi yose yagenze:

Musanze FC 1-0 APR FC
Kiyovu Sport 1-0 AS Kigali
Marines 1-2 Gorilla FC
Etoile 1-1 Gicumbi FC
Gasogi United 0-1 Mukura VS

Imikino iteganyijwe ku munsi w’ejo:

Espoir FC x Police FC
Etincelles x Bugesera FC
Rayon Sports x Rutsiro FC

Urutonde:

1. APR FC 37 Pts
2. Kiyovu Sports 35 Pts
3. Mukura VS 29 pts
4. AS Kigali 27 Pts
5. Musanze FC 27 Pts
6. Police FC 26 Pts (ntirakina umukino umwe)
7. Rayon Sports 26 Pts (ntirakina umukino umwe)


Igitego cya Kiyovu Sports cyanzwe cyarenze umurongo

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba ubwiza bwa Hoteli Real Madrid izacumbikamo mu Bufaransa igihe gukina...

Ikipe ya Real Madrid ntizacumbika i Paris ku mukino wa nyuma wa UEFA...
18 May 2022 0

"Mushimishe abanyarwanda nkuko ingabo zacu zibikora" - Lt Gen Mubarakh...

Ku gicamunsi cyo kuri uyu wa kabiri tariki 17 Gicurasi 2022, umuyobozi wa...
18 May 2022 0

Rwarutabura ufana Rayon Sports yakoze impanuka atabarwa ku isonga n’abafana...

Rwarutabura uzwi cyane nk’umufana Ukomeye wa Rayon Sports yakoze impanuka...
18 May 2022 0

Biniam Girmay wakinnye Tour du Rwanda 2019 yakoze andi mateka atarakorwa...

Umunya Eritrea,Biniam Girmay yakoze amateka yo kuba umukinnyi wa mbere...
17 May 2022 0

Jado Castar yakiriwe byihariye kuri Radio n’abakunzi be bamuhaye akayabo...

Bagirishya Jean de Dieu uzwi nka Jado Castar mu mwuga w’itangazamakuru...
17 May 2022 0

Minisitiri Aurore yashimiye ikipe ya Gisagara VC yitwaye neza muri...

Minisitiri wa Siporo, Hon. Munyangaju Aurore Mimosa yashimiye ikipe...
17 May 2022 0