Ikipe ya Musanze FC yemereye abakinnyi bayo agahimbazamusyi k’ibihumbi 190 Frw nyuma yo gutsinda Rayon Sports igitego 1-0 mu mukino w’Umunsi wa Gatandatu wa Shampiyona.

Mu mukino wabereye kuri Stade Ubworoherane,iyi kipe yatsinze igitego ku munota wa 50 ibifashijwemo na rutahizamu wayo Peter Agblevor,bituma ifata umwanya wa mbere n’amanota 16, irusha abiri APR FC ya kabiri.

Bivugwa ko ubuyobozi bw’Intara y’Amajyaruguru bwageneye Musanze FC agahimbazamusyi k’ibihumbi 150 Frw kuri buri mukinnyi, bubashimira ko batsinze Rayon Sports, ako kakiyongera ku bihumbi 40 Frw basanzwe bahabwa iyo batsinze umukino, yose hamwe akaba ibihumbi 190 Frw.

Uku gutsinda ikipe ifite abafana benshi mu Rwanda byatumye abayobozi b’iyi kipe barangajwe imbere na Placide uzwi nka Trump.

Mu mezi ishize,nibwo byamenyekanye ko Musanze FC yiyemeje kuzamurira agahimbazamusyi abakinnyi bayo ku mikino ikomeye irimo uwa APR FC,Rayon Sports na Kiyovu Sports.

Aba bakinnyi ba Musanze bahagaze neza,barashaka gutungurana bagatwara igikombe cya shampiyona uyu mwaka nkuko bivugwa.

Rayon Sports yagumanye amanota icyenda mu mikino itandatu imaze gukina, aho ifite ikirarane izahuramo na Police FC.