Ikipe ya Musanze FC yongeye gutsindwa mu mukino w’umunsi wa 12 wa shampiyona bituma abafana bayo bari batangiye kurota igikombe bata kure inzozi zabo.

Musanze FC yaherukaga gutsindwa ibitego 2-0 na Gasogi United,kuri uyu wa Gatandatu yakiriye Gorilla FC itsindwa igitego 1-0 mu rugo.

Igitego cya Gorilla FC cyatsinzwe na Johnson Adeshola Adeaga,cyatumye Musanze FC imanuka ku rutonde rw’agateganyo rwa shampiyona.

Gorilla FC itsinze imikino 2 ya shampiyona ikurikirana bwa mbere kuva muri Werurwe 2023, yari imaze imikino 19.Ni umukino wa kabiri Gorilla itsinzemo Musanze kuva igeze mu cyiciro cya mbere.

Musanze FC yari yatsinzwe umukino umwe mu mikino 10 ibanza ya shampiyona, itsinzwe imikino 2 ikurikirana ibyaherukaga mu kwa 5/2023.

Ku rundi ruhande,Police FC yaherukaga gutsindwa na Rayon Sports ibitego 2-1,yakiriye Marines FC iyitsinda ibitego 2-1 nayo.

Ibitego bya Muhadjiri Hakizimana ku munota wa 14, 55 byafashije Police FC kugaruka mu murongo mwiza.Igitego cy’impozamarira cya Marines FC cyatsinzwe na Nkundimana Fabio ku munota wa 24.

Uko indi mikino yagenze

Sunrise FC 0-1 Gasogi United [Malipangu]

Etoile de L’Est 0-1 Amagaju FC [Niyitegeka Omar]

Urutonde:

1. APR FC 25 Pts (-1)
2. Police FC 25 Pts
3. Musanze FC 23 Pts