Umunyamabanga mukuru w’umuryango w’Ibihugu bikoresha ururimi rw’Igifaransa,Francophonie,Madamu Louise Mushikiwabo,yashimiye Cote d’Ivoire iri muri uyu muryango yageze ku mukino wa nyuma w’Igikombe cya Afurika.

Sponsored Ad

Nyuma y’urugendo rutatangiye neza,Cote d’Ivoire yatsinze RDC muri 1/2 igitego 1-0 igera ku mukino wa nyuma aho izahura na Nigeria yo yatsinze Afurika y’Epfo kuri penaliti 4-2.

Mu butumwa yanyujije ku rubuga rwa X,Madamu Mushikiwabo yakeje Cote d’Ivoire yitwaye neza ariko anazirikana uko RDC yazamuye urwego muri iri rushanwa.

Yagize ati "Ariko Abachou, ubu mwaryamye koko mutumpaye félicitations nanjye mpa Inzovu zacu francophones zimaze kwinjira muri finale ya #CAN2024 aho zizakina na za kagoma anglophones zo muri Nigeria? Ingwe za Kongo ariko nazo rwose ntako zitagize zakinnye nez,a zagarukanye ubuhanga kuva aho tuziherukira muri 2015, tuzihaye félicitations ku mukino mwiza mur’aya marushanwa!! Hagataho mumaze iminsi mu makuru menshi meza ntimukayancure!! Dutahe cyane!!."

Madamu Mushikiwabo yanatanze ubu butumwa mu rurimi rw’Igifaransa aho yagragaje ko Cote d’Ivoire yateye ishema umuryango wa Francophonie.

Ikipe ya Cote d’Ivoire ntiyabanje koroherwa n’irushanwa kuko mu matsinda bakomeje ku giceri, nubwo babaye aba 3 mu itsinda bandagajwe na Equatorial Guinea yabatsinze ibitego 4-0.

Mu makipe 4 yagombaga kuzamuka mu yatsinzwe neza,Cote d’Ivoire yazamutse ari iya nyuma n’amanota 3.

Muri 1/8 nibyo basezereye Senegal yahabwaga amahirwe kurusha andi makipe yose, binyuze kuri penaliti 5-4,nabwo bishyuye igitego ku munota wa 86 gitsinzwe na Kessie kuri penaliti.

Muri 1/4 Nene ufite umubyeyi ukomoka muri Cote d’Ivoire yatsindiye Mali ku munota wa 71 bagombora kuwa 90 na Adingra maze mu nyongera y’inyongera 120’ +2 Diakite asoza umukino

Sebastien Haller watangiye umwaka w’imikino yivuza kanseri, agatangira AFCON 2023 mu mvune, yabatsindiye ku munota wa 65 bagera ku mukino wa nyuma.

Umutoza mukuru batangiranye, bamwirukanye amatsinda atararangira, umwungiriza we Emerse Fae wakiniye Reading na Cote d’Ivoire ayigejeje ku mukino wa nyuma na Nigeria.

Ku cyumweru, Cote d’Ivoire izaba ishaka igikombe cya 3 nyuma ya:

1992: Cote d’Ivoire 0-0 Ghana ( Pen 11-10)

2015: Cote d’Ivoire yarimo Salomon Kalou, Gervinho, Yaya & Kolo Toure, Max Gradel batsinze Ghana kuri penaliti 9-8.