Myugariro Mutsinzi Ange Jimmy wari wari umaze iminsi mu igeragezwa mu gihugu cy’u Bubiligi mu ikipe yitwa Oud-Heverlee Leuven byarangiye aritsinzwe ariko yerekeza muri Portugal mu cyiciro cya kabiri mu ikipe ya CD Trofense.
Uyu mukinnyi w’inyuma,yamaze gusinyira amasezerano y’umwaka umwe ikipe ya Clube Desportivo Trofense yo mu gihugu cya Portugal iri mu cyiciro cya Kabiri ikaba yarasoje shampiyona iri ku mwanya wa kane.
Amakuru aravuga ko CD Trofense yo mu Cyiciro cya Kabiri muri (...)

Sponsored Ad

Myugariro Mutsinzi Ange Jimmy wari wari umaze iminsi mu igeragezwa mu gihugu cy’u Bubiligi mu ikipe yitwa Oud-Heverlee Leuven byarangiye aritsinzwe ariko yerekeza muri Portugal mu cyiciro cya kabiri mu ikipe ya CD Trofense.

Uyu mukinnyi w’inyuma,yamaze gusinyira amasezerano y’umwaka umwe ikipe ya Clube Desportivo Trofense yo mu gihugu cya Portugal iri mu cyiciro cya Kabiri ikaba yarasoje shampiyona iri ku mwanya wa kane.

Amakuru aravuga ko CD Trofense yo mu Cyiciro cya Kabiri muri Portugal, yaguze Mutsinzi hafi miliyoni 150 Frw (ibihumbi 150$) ku myaka ibiri. APR FC izabonamo ibihumbi 30$.

Akimara gusinyira iyi kipe yagize ati "Nje mfite intego nyinshi, nzibanda ku gukora cyane mfasha iyi kipe (Trofense Sports Club) kugera kuntego zayo.Kuri njye ni ibintu bishya ariko ndizera ko mu minsi micye mba namaze kumenyerana na bagenzi bange".

Ubuyobozi bwa Trofense Sports Club bwagize buti"Mutsinzi Ange ni umukinnyi mwiza kandi wihuta ukomeye uzi no gukina imipira miremire, n’iyo mu cyirere".

Ku wa 27 Nyakanga 2021, nibwo myugariro Mutsinzi Ange yerekeje mu gihugu cy’u Bubiligi mu igeragezwa ryagombaga kumara Ibyumweru bibiri.

Inkuru yakwirakwiye uyu munsi nuko uyu musore w’imyaka 23 atahiriwe n’Ububiligi ariyo mpamvu yahise yerekeza muri iyi kipe yo muri Portugal.

Uyu mukinnyi myugariro, yageze muri APR FC muri Nyakanga 2019, avuye muri Rayon Sports FC na yo yari amazemo imyaka ibiri nyuma yo kuva muri AS Muhanga yamenyekaniyemo.

Uyu myugariro yageneye APR FC ubutumwa bugira buti "Mfashe umwanya wo gushimira amahirwe adasanzwe n’umwanya nahawe n’ikipe ya APR FC mu myaka ibiri ishize ndi umukinyi wayo.

Ndangije nshimira byimazeyo abafana ba APR FC urukundo mwanyeretse.
Nkaba nagira ngo menyeshe abakunzi banjye bose ko ngiye gukomereza akazi muri @cdtrofense."