skol
Kigali

"Mutware ibikombe byose ibindi mubitubaze"- Lt Gen Mubarakh Muganga abwira APR FC

Imyidagaduro   Yanditswe na: Dusingizimana Remy 6 May 2022

Umuyobozi w’ikipe y’ingabo z’igihugu, Lt Gen Mubarakh Muganga yasuye ikipe mu myitozo yo kwitegura umukino wa shampiyona uzayihuza n’ikipe ya Espoir FC yo mu karere ka Rusizi agira ubutumwa agenera abakinnyi aho yabibukije ko bagomba kwegukana ibikombe byose biri gukinirwa kuri ubu.

Yagize ati " Urugamba rugeze ahakomeye namwe muri kubibona ko dufite imikino imeze nka finali kuri twe kandi iyo mikino yose iregeranye, rero iyo mikino yose niyo igomba kugena uko umwaka wacu wagenze haba kuri Shampiyona ndetse n’igikombe cy’ Amahoro.

Ndizera ko ibyatambutse byatambutse, imitima twese tuyerekeje kuri iyi mikino isigaye, muri abakinnyi beza kandi bafite intego mu buzima, muri bakuru muzi icyo tubakeneyeho nibi bikombe bibiri kandi kubyegukana birashoboka cyane. Ni mubyegukane natwe nk’ ubuyobozi icyo tubagomba kirazwi nkuko bisanzwe muzatubaze kuko turi hano ku bwanyu."

Yakomeje agira abakinnyi inama yo gukomeza ubwirinzi mu mpande zose kucyabahungabanya.

Yagize ati "Iyo urugamba rwo gutwara ibikombe rugeze aha, bisaba kwitwararika cyane mukirinda bamwe babajyana mu bitari ngombwa ahubwo umutima ukerekeza hamwe.

Ku gikombe urasohoka gato bakagusamira hejuru, aho rero uba utaye umurongo wari wihaye wo kwegukana ibyo bikombe, kandi mwegukanye ibi bikombe bibiri n’ amateka muzaba mwanditse hano muri APR FC .Uzavugwa ko iyi kipe wayikoreyemo amateka. Ayo mateka rero turebe uburyo tuyandika tubyegukana."

APR FC igomba guhura na Espoir FC muri iyi weekend hanyuma kuwa 11 Gicurasi igahura na Rayon Sports mu mukino ubanza wa 1/2 cy’igikombe cy’Amahoro.Uwo kwishyura uzaba kuwa 18 Gicurasi uyu mwaka.

Muri shampiyona,kuwa 14 Gixurasi 2022 izahura na Kiyovu Sports,bivuze ko mu cyumweru kimwe izakina imikino 3 ikomeye cyane.

Shampiyona irabura imikino igera kuri itanu kugira ngo irangire aho APR F.C iyoboye urutonde by’agateganyo,irusha Kiyovu amanota 2 gusa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Yanga Africans yakiriwe n’ibihumbi by’abafana bayo bishimiraga igikombe...

Uyu munsi i Dar Es Salaam hari huzuye uruvunganzoka rw’abafana ba Yanga...
26 June 2022 0

Cristiano Ronaldo arifuzwa n’indi kipe ikomeye yo mu Bwongereza

Nk’uko amakuru abitangaza, umuherwe mushya wa Chelsea, Todd Boehly, yahuye...
26 June 2022 0

Phil Foden yashwanye n’umukunzi we ku mucanga bapfuye telefoni

Umukinnyi Phil Foden w’Ubwongereza byabaye ngombwa ko ava ku mucanga wa posh...
26 June 2022 0

Perezida wa Kiyovu Sports yahaye urw’amenyo ikipe byavugwaga ko ishaka...

Kuri uyu wa gatandatu tariki 25 Kamena 2022, ikipe ya Kiyovu Sports...
26 June 2022 0

Harry Maguire utarishimiwe n’abakunzi ba United yakoze ubukwe...

Harry Maguire yaraye akoze ubukwe bwakataraboneka n’umukunzi we wo kuva mu...
26 June 2022 0

Umukinnyi mushya wa Manchester City ashaka gukodesha inzu ya Paul...

Nk’uko amakuru abitangaza, umukinnyi mushya wa Manchester City, Erling...
25 June 2022 0