Mvukiyehe Juvenal wari umuyobozi w’ikipe ya Kiyovu Sports kuva muri 2020, yeguye kuri uyu mwanya ku mpamvu ze bwite no kuba abona atazabasha kugera ku ntego yemereye umuryango w’urucaca.
Yavuze ko yiteguye kuzamara amezi 2 amenyereza uzamusimbura kuri uyu mwanya.
Inteko rusange ya Kiyovu Sports ikaba iteganijwe tariki 01-10-2022.
Mvukiyehe yeguye gihe muri Kiyovu Sports hari kuvugwamo ibibazo byinshi by’imyenda y’amafaranga afitiwe abakinnyi,n’ibindi.
Kuri uyu wa Gatatu bamwe mu (…)

Mvukiyehe Juvenal wari umuyobozi w’ikipe ya Kiyovu Sports kuva muri 2020, yeguye kuri uyu mwanya ku mpamvu ze bwite no kuba abona atazabasha kugera ku ntego yemereye umuryango w’urucaca.

Yavuze ko yiteguye kuzamara amezi 2 amenyereza uzamusimbura kuri uyu mwanya.

Inteko rusange ya Kiyovu Sports ikaba iteganijwe tariki 01-10-2022.

Mvukiyehe yeguye gihe muri Kiyovu Sports hari kuvugwamo ibibazo byinshi by’imyenda y’amafaranga afitiwe abakinnyi,n’ibindi.

Kuri uyu wa Gatatu bamwe mu bakinnyi b’ikipe ya Kiyovu Sports bavuye ku kibuga cy’imyitozo ku Ruyenzi badakoze imyitozo kubera ibibazo by’imishahara bafitanye n’ubuyobozi bw’iyi kipe.

Aba bakinnyi basabaga imishahara n’uduhimbazamushyi bagombaga guhabwa muri uyu mwaka ndetse n’umwaka ushize w’imikino wa 2021-2022.

Muri iyo mishahara barasaba umushahara w’ukwezi kwa gatandatu batahembwe. Ubuyobozi buvuga ko mu ngengo y’imari uko kwezi kutari kwarateganyijwe.

Kiyovu Sports ya Juvenal yari iyobowe na Mvukiyehe yarangije ku mwanya wa 2 muri shampiyona ishize ndetse itsinda amakipe yose akomeye hano mu Rwanda.