skol
Kigali

Myugariro wa Manchester City yakomerekejwe ku jisho n’ibisambo byamuteye iwe

Imyidagaduro   Yanditswe na: Dusingizimana Remy 31 December 2021

Myugariro wa Manchester City,Joao Cancelo,ntabwo yarangije umwaka neza kuko yatewe n’ibisambo mu rugo biramukomeretsa ku jisho agerageza kurinda umuryango we.

Uyu mukinnyi wa Manchester City, ufite imyaka 27, yabwiye miliyoni ebyiri z’abamukurikira kuri Instagram ko yatewe n’ibisambo bine mu rugo rwe ndetse ashyira hanze ifoto y’igikomere kiri hejuru y’ijisho rye yatewe nibyo bisambo.

Polisi iri gukora iperereza kuri iki kibazo

Cancelo yavuze ko yagerageje kwirwanaho ndetse ko ’yerekanye kutava ku izima’ - ubwo aba bagizi ba nabi bashakaga guhohotera umufasha weDaniela Machado n’umukobwa we Alicia w’imyaka ibiri, mbere yo gucikana imikufi ihenze.

Uyu Myugariro wo muri Portugal, uri mu bihe byiza cyane kuri Etihad muri uyu mwaka w’imikino 2021-22, yanditse ati: "Ikibabaje ni uko uyu munsi natewe n’ibigwari bine byambabaje bigerageza no kubabaza umuryango wanjye.

"Iyo ugeragaje kwihagararaho ibi nibyo bikubaho.

"Bashoboye gutwara imikufi yanjye yose bansiga mu maso yanjye meze gutya

"Sinzi uburyo hariho abantu bafite ubugome nk’ubwo.

Ikintu cy’ingenzi kuri njye n’umuryango wanjye kandi n’amahirwe ko bose bameze neza."

Nyuma y’imbogamizi zose nahuye nazo mu buzima bwanjye,n’iyi n’iyindi ngomba gutsinda.Ndakomeye nkuko bisanzwe."

Manchester City iyoboye Premier League yagize bati: "Twatunguwe kandi tubabajwe nuko Joao Cancelo n’umuryango we bibwe mu rugo rwabo kuri uyu mugoroba aho Joao na we yakomerekejwe.

"Joao n’umuryango we bashyigikiwe n’ikipe kandi akaba ari gufasha abapolisi mu iperereza ryabo kuri iki kibazo gikomeye."

Cancelo yinjiye muri City avuye muri Juventus kuri miliyoni 60 z’amapawundi muri 2019 kandi amaze kuyikinira inshuro 101 mu marushanwa yose.

Uyu mukinnyi umaze guhamagarwa inshuro 31 muri Portugal, ari kwitwara neza muri uyu mwaka w’imikino, amaze gutsinda ibitego bitatu mu mikino 25, harimo icyiza cyane yatsinze Newcastle mu ntangiriro z’uku kwezi.

Cancelo yafashije City kwegukana Premier League mu mwaka w’imikino ushize kandi yanagize uruhare runini mu gufasha ikipe ya Pep Guardiola kugera ku mukino wa nyuma wa Champions League.



Cancelo n’umuryango we batewe n’ibisambo

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Thibaut Courtois wababaje cyane Liverpool yabwiye amagambo akomeye...

Umunyezamu w’Umuhanga cyane,Thibaut Courtois wa Real Madrid,yavugije induru...
29 May 2022 0

BAL:US Monastir yegukanye igikombe cya BAL 2022

Ku mugoroba wo ku wa Gatandatu, tariki ya 28 Gicurasi 2022,ikipe ya US...
29 May 2022 0

Real Madrid yakomeje ibigwi itwara UEFA Champions League ku nshuro ya 14...

Ikipe ya Real Madrid yatwaye igikombe cya UEFA Champions League ku nshuro...
29 May 2022 0

Real Madrid yongeye kuba ikipe ihenze kurusha izindi zose ku...

Raporo yashyizwe ahagaragara ku wa kane n’abasesenguzi ba Football...
28 May 2022 0

Klopp yahishuye umukinnyi yizeye ko amuhesha igikombe cya Champions...

Umutoza Jurgen Klopp yizeye ko Sadio Mane ashobora kuba umucunguzi ukomeye...
28 May 2022 0

Harry Kane yahishuye ibanga rikomeye ryatumye Ubwongereza bwitwara neza mu...

Rutahizamu Harry Kane wa Tottenham yavuze ko intsinzi y’Ubwongereza mu...
28 May 2022 0