Umutoza Carlo Ancelotti yavuye muri Everton ajya kuba umutoza wa Real Madrid ku nshuro ya kabiri.
Uyu Mutaliyani w’imyaka 61, watoje Real Madrid mu gihe cy’imyaka ibiri hagati ya 2013 na 2015, yavuye muri Everton nyuma y’amezi 18 atoza iyi kipe.
Muri Real asimbuye Zinedine Zidane weguye mu minsi ishize.Ibi bitumye Everton isigara ishakisha umutoza wa gatandatu w’igihe kirekire muri iyi myaka itanu ishize.
Ancelotti yashyize umukono kuri kontaro y’imyaka itatu atoza Real, avuga ko ibi (…)

Umutoza Carlo Ancelotti yavuye muri Everton ajya kuba umutoza wa Real Madrid ku nshuro ya kabiri.

Uyu Mutaliyani w’imyaka 61, watoje Real Madrid mu gihe cy’imyaka ibiri hagati ya 2013 na 2015, yavuye muri Everton nyuma y’amezi 18 atoza iyi kipe.

Muri Real asimbuye Zinedine Zidane weguye mu minsi ishize.Ibi bitumye Everton isigara ishakisha umutoza wa gatandatu w’igihe kirekire muri iyi myaka itanu ishize.

Ancelotti yashyize umukono kuri kontaro y’imyaka itatu atoza Real, avuga ko ibi ari "amahirwe atari yitezwe".

Yongeyeho ati: "Nubaha bisesuye buri muntu wese ufite aho ahuriye na Everton kandi nizeye ko bazagera ku bintu byiza bagamije kugeraho".

"Nubwo nashimishijwe no kuba muri Everton, nagejejweho amahirwe atari yitezwe ntekereza ko ari icyemezo cyiza kuri jyewe n’umuryango wanjye muri iki gihe".

Kuri uyu wa gatatu, biteganyijwe ko Real imurikira itangazamakuru Ancelotti nk’umutoza mushya wayo, mu gihe Everton yavuze ko igiye "gutangira gahunda yo gushyiraho umutoza mushya aka kanya".

Carlo Ancelotti azahora yibukwa ko ariwe mutoza wahesheje igikombe cya 10 cya UEFA Champions League “La Decima” nyuma y’igihe kinini yari imaze igishaka cyane.