skol
Kigali
Fortebet

"Ndashaka kubabona mubyina intsinzi n’ingabo zishimye"-Lt Gen MK Mubarakh abwira abakinnyi ba APR FC

Imyidagaduro   Yanditswe na: Dusingizimana Remy 1 December 2021

Ku gicamunsi cyo kuri uyu wa kabiri taliki 30 ugushyingo 2021,APR FC yakoze imyitozo yo kwitegura umukino wo kwishyura muri CAF Confederation Cup mu mpera z’iki cyumweru, ni myitozo yakurikiwe n’umuyobozi w’iyi kipe Lt Gen MK Mubarakh.


Uyu muyobozi wakurikiranye iyi myitozo kuva itangiye kugera ku musozo,yahaye ubutumwa bukomeye abakinnyi.

Yagize ati” Sinabashije kuza gukurikira umukino wanyu ubanza kubera imirimo yamfatiriye ariko mba mbakurikira cyane amashusho narayarebye mwitwaye neza kandi mwerekanye ko abana b’ Abanyarwanda mushoboye.

Nshima cyane aba batoza banyu bahinduye imikinire yanyu ku rwego ruri hejuru cyane ari nabyo biduha ikizere ko iriya kipe ko tuzayisezerera tukagera mu matsinda kandi bizagerwaho. Ndashaka kubabona mubyina intsinzi n’ingabo z’ishimye ku bwo kwitwara neza kwanyu.

Murerekeza mu gihugu cya Morocco ntabwo bijya binkundira cyane kubaherekeza kubera imirimo ariko nziko intsinzi ihari nzaba nange mbakurikiye rwose dufite amahirwe menshi abatoza banyu baturuka muri kiriya gihugu barahazi ibyo nabyo biri mu byongera amahirwe.

Ibindi ni mu kibuga nk’uko abayobozi bacu b’icyubahiro bagiye babibabwira ko nta kipe tutakina nayo nka APR FC kuko twahawe byose kandi umubare w’ abakinnyi uba ungana mu kibuga. Tariki 05 Ukuboza 2021 ni finali kandi bizagenda neza kuko murashoboye. intsinzi kuri APR FC iteka.”

APR FC yanganyije 0-0 na RS Berkane yo muri Maroc mu mukino ubanza wabereye I Kigali,ku wa 28 Ugushyingo 2021.

RS Berkane yo muri Maroc izakira APR FC mu mukino wo kwishyura w’ijonjora rya gatatu CAF Confederation uzaba ku Cyumweru tariki ya 5 Ukuboza 2021.

APR FC yagombaga kuba yahagurutse i Kigali mu rukerera rwo kuri uyu wa Kabiri, ariko yari mu gihirahiro nyuma y’uko Maroc ihagaritse ingendo zose z’indege zijyayo kubera ubwoko bushya bwa COVID-19 bwiswe “Omicron”.

Ishyirahamwe ry’Umupira w’amaguru muri Maroc rivuga ko icyemezo cy’Ubwami bwa Maroc cyo guhagarika ingendo z’indege guhera ku wa 29 Ugushyingo saa Tanu n’iminota 59 “nta ngaruka kizagira ku makipe y’umupira w’amaguru" kuko hahagaritswe indege zikora ubucuruzi.

Amakuru ahari avuga ko APR FC ishobora kujya muri Maroc hifashishijwe indege yihariye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

UEFA yatangaje abakinnyi 3 bazatorwamo uwahize abandi mu mwaka...

Ishyirahamwe ry’umuira w’amaguru ku mugabane w’i Burayi ryamaze gutangaza...
12 August 2022 0

Ukena ufite itungo rikakugoboka!!!Barcelona yateje utwayo kugira ngo ibone...

Ikipe ya FC Barcelona yagurishije 24,5% bya studio yabo Orpheus Media kuri...
12 August 2022 0

Perezida wa Rayon Sports yavuze ku byerekeye gusinyisha Caleb uri...

Perezida w’ikipe ya Rayon Sports,Uwayezu Jean Fidele yatangaje ko uyu munsi...
12 August 2022 0

Manchester United yatakaje umwanya wa mbere mu makipe ya Premier League...

Ikipe ya MANCHESTER UNITED ntabwo ikiri iya mbere mu makipe ya Premier...
12 August 2022 0

Paul Were yakoze ku mutima abafana ba Rayon Sports ku munsi wa...

Rutahizamu Paul Were uheruka gusinyira Rayon Sports yakoze imyitozo ya...
12 August 2022 0

Pique yihimuye kuri Shakira akundana n’Umunyeshuri arusha imyaka...

Myugariro Gerard Pique yanze guta igihe mu gahinda ko gutandukana n’uwari...
12 August 2022 0