skol
Kigali

"Ndifuza gusubira mu rugo"-Xavi avuga kuri FC Barcelona

Imyidagaduro   Yanditswe na: Dusingizimana Remy 4 November 2021

Xavi Hernández avuga ko ashaka "gusubira imuhira" akaba umutoza wa Barcelona kandi yizeye ko amasezerano ashobora kugerwaho hagati y’iyi kipe n’iyo atoza ya Al Sadd.


Iyo kipe atoza yo muri Qatar mbere yari yavuze ko atazemererwa kuyivamo "muri iki gihe gikomeye cyo mu mwaka w’imikino".

Abayobozi bo muri Barça bari i Doha mu murwa mukuru wa Qatar mu biganiro na Xavi w’imyaka 41, uhabwa amahirwe menshi yo gusimbura Ronald Koeman wirukanwe mu mpera y’ukwezi gushize.

Xavi, wahoze ari umukinnyi wo hagati muri Barça, yagize ati: "Hashize iminsi nganira na Barça, byose biri ku murongo. Amakipe azi aho mpagaze kandi nizeye ko bicyemuka vuba aha".

Uyu munyabigwi w’Umunya-Espagne yakinnye imikino 779 anatsindira ibikombe bikomeye 25 muri Barça hagati y’umwaka wa 1998 n’uwa 2015, mbere yuko yerekeza mu ikipe ya Al Sadd.

Yabaye umutoza mukuru w’iyo kipe nyuma yo gusezera ku gukina umupira mu 2019, ayihesha igikombe cya shampiyona mu mwaka ushize w’imikino. Ntiratsindwa mu mikino 36 ya shampiyona.

Barcelona ubu iri ku mwanya wa cyenda ku rutonde rw’agateganyo rwa shampiyona ya La Liga nyuma yo gutsinda imikino ine muri 11 ibanza. Irarushwa amanota icyenda na Real Sociedad iyoboye uru rutonde .

Xavi yagize ati: "Amakipe arimo kuganira. Nta byinshi navuga ariko ndi umuntu ugira icyizere. Ikiriho ni ugushyira mu gaciro. Bakwiye kugera ku masezerano. Icyo ni cyo kibazo [kirimo kwigwaho]".

"Ndifuza gusubira imuhira. Gusubira muri Barcelona byaba ari byiza mu buryo buhebuje kandi bishimishije cyane".

Mbere yaho, Turki Al-Ali, umukuru wa Al Sadd, yagize ati: "Aho ikipe ihagaze harasobanutse neza kuva mu ntangiriro - dushishikajwe no kugumana Xavi".

"Ntidushobora gutuma agenda muri iki gihe gikomeye cyo mu mwaka w’imikino".

Sergi Barjuán ni we mutoza w’agateganyo wa Barça muri iki gihe.

Perezida wa Barça Joan Laporta mbere yari yagize ati: "Buri gihe navuze ko umunsi umwe [Xavi] azaba umutoza mukuru wa Barça ariko sinzi igihe [bizabera].

"Dufite amakuru meza cyane kuri Xavi muri Al Sadd. Amakuru yacu yose [muri Barcelona] kuri Xavi ni meza. Dushobora kuvuga byinshi kuri Xavi, ariko sinshobora kubaha amakuru arenzeho. [Xavi] Ari mu binyamakuru byose, ariko tunafite andi mahitamo".

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hagiye hanze amakuru y’umukinnyi watorewe kwegukana Ballon d’Or...

Amakuru akomeje gucaracara ku rubuga rwa Twitter aravuga ko Lionel Messi...
27 November 2021 0

Niyonzima Olivier "Seif" yasabye imbabazi nyuma yo guhagarikwa mu...

Umukinnyi Niyonzima Olivier uzwi nka "Seif" uheruka guhagarikwa mu ikipe...
26 November 2021 0

Ikipe imwe hagati ya Portugal n’Ubutaliyani ntizitabira igikombe cy’isi...

Hasohotse tombola y’uburyo amakipe y’i Burayi azahura mu mikino ya...
26 November 2021 0

Ikipe ya Etincelles FC nayo yabonye umufatanyabikorwa mushya...

Ikipe ya Etincelles FC yo mu karere ka Rubavu,yamaze gusinya amasezerano...
26 November 2021 0

Abakinnyi 10 bivugwa ko bahembwa agatubutse muri shampiyona y’u Rwanda...

Abakinnyi b’umupira w’amaguru hirya no hino ku isi bari mu binjiza agatubutse...
26 November 2021 0

Thierry Henry yahishuye icyihishe inyuma yo kuba Zidane na Pochettino...

Icyamamare muri Arsenal,Thierry Henry yavuze ko Mauricio Pochettino na...
26 November 2021 0