Umukinnyi ukomoka muri Brazil, Neymar Jr, aratekereza kuva muri Paris Saint-Germain muri iyi mpeshyi nyuma yo kubona ko adakunzwe n’abafana b’iyi kipe baherutse kumuvugiriza induru biturutse ku kuntu yitwaye mu mukino basezerewemo na Real Madrid ibatsinze ibitego 3-1.
Ikipe ya Newcastle,iherutse kugurwa n’Abarabu,irashaka kuzana uyu mukinnyi muri Premier League ndetse biravugwa ko yiteguye gutanga akayabo ka miliyoni 200 z’amapawundi.
Bivugwa ko Neymar yacitse intege kandi aashaka kwigendera (...)

Sponsored Ad

Umukinnyi ukomoka muri Brazil, Neymar Jr, aratekereza kuva muri Paris Saint-Germain muri iyi mpeshyi nyuma yo kubona ko adakunzwe n’abafana b’iyi kipe baherutse kumuvugiriza induru biturutse ku kuntu yitwaye mu mukino basezerewemo na Real Madrid ibatsinze ibitego 3-1.

Ikipe ya Newcastle,iherutse kugurwa n’Abarabu,irashaka kuzana uyu mukinnyi muri Premier League ndetse biravugwa ko yiteguye gutanga akayabo ka miliyoni 200 z’amapawundi.

Bivugwa ko Neymar yacitse intege kandi aashaka kwigendera muri iyi mpeshyi,nk’uko Fichajes yabitangaje.

Iyi nkuru ivuga ko Newcastle irimo gutekereza ku ’mahirwe adasanzwe’ yo kuzana umwe mu bakinnyi beza ku isi muri Premier League.

Neymar Jr w’imyaka 30,niwe mukinnyi wahenze cyane kurusha abandi bose babayeho nyuma yo kwerekeza muri PSG kuri miliyoni 198 z’amapawundi avuye muri FC Barcelona muri 2017.Amaze kuyitsindira ibitego 92 mu mikino 136.Uyu mwaka amaze gutsinda 5 gusa.

PSG ishobora kwemera kugurisha no gusenya ubutatu bwayo bwa Neymar, Messi na Kylian Mbappe kubera ko bananiwe kuyihesha Champions League, nubwo Neymar yasinye amasezerano mashya y’imyaka ine muri Gicurasi umwaka ushize.

Uretse kumugura,Newcastle n’imwe mu makipe make ku isi yashobora kwishyura Neymar Jr umushahara ahabwa w’ibihumbi bisaga 500 by’amayero ku cyumweru, no gutanga miliyoni zisaga 198 z’amapawundi yaguzwe na PSG muri 2017.

Biravugwa kandi ko ikipe ya Manchester City n’ikipe yahozemo ya FC Barcelona nazo zishaka Neymar Jr.