Neymar Jr ntazakinira Brazil mu mikino 2 y’amatsinda igiye gukurikizaho nyuma yo kugira imvune y’akagombambari mu mukino baraye batsinzemo Serbia ibitego 2-0.
Muganga w’ikipe ya Brazil avuga ko Neymar Jr yangiritse udutsi two ku kuguru kwe kw’iburyo bityo azasiba umukino w’Ubusuwisi n’uwa Cameroon.
Uyu mukinyi w’imyaka 30 yasimbuwe ku munota wa 80 muri uyu mukino wo kuwa kane na Anthony nyuma yo guterwa umuserebeko uteye ubwoba na Nikola Milenkovic.
Neymar yipfutse mu maso ubwo yari arimo (...)

Sponsored Ad

Neymar Jr ntazakinira Brazil mu mikino 2 y’amatsinda igiye gukurikizaho nyuma yo kugira imvune y’akagombambari mu mukino baraye batsinzemo Serbia ibitego 2-0.

Muganga w’ikipe ya Brazil avuga ko Neymar Jr yangiritse udutsi two ku kuguru kwe kw’iburyo bityo azasiba umukino w’Ubusuwisi n’uwa Cameroon.

Uyu mukinyi w’imyaka 30 yasimbuwe ku munota wa 80 muri uyu mukino wo kuwa kane na Anthony nyuma yo guterwa umuserebeko uteye ubwoba na Nikola Milenkovic.

Neymar yipfutse mu maso ubwo yari arimo kuvurwa kandi amashusho yerekanye ko akagombambari k’iburyo ke kabyimbye.

Umukinyi w’inyuma Danilo nawe ntazaboneka mu mikino ibiri iri imbere kubera imvune yagize.

Ku wa mbere ( saa 16h00 GMT), Brazil izahura n’Ubusuwisi mu mukino wa kabiri wo mu itsinda G, mbere yo gukina na Kameruni ku wa gatanu utaha (19:00 BST).

Muganga w’ikipe ya Brazil, Rodrigo Lasmar, yagize ati: "Neymar na Danilo banyuze muri MRI ku gicamunsi cyo kuri uyu wa gatanu dusanga bangiritse utugombambari.

Ni ngombwa gutuza no kubasuzuma umunsi ku munsi. Igitekerezo cyiza n’ukubagarura mu yindi mikino y’irushanwa."

Umutoza mukuru wa Brazil, Tite, nyuma yo gutsinda Seribiya, yatangaje ko bafite icyizere ko Neymar azakomeza gukina mu gikombe cy’isi kandi ko "atabonye ko yavunitse- ubushobozi afite bwo kubirenga bwaranyobeye nanjye".