Ikipe ya FC Barselona yujuje umukino wa gatanu itsinda nyuma yo gutsinda ikipe ya Girona ibitego 4-1 ikomeza kuyobora urutonde rwagateganyo rwa shampiyona ya Esipanye Laliga.

Sponsored Ad

Uyu mukino wabaye tariki 15 Nzeri 2024 , ubera ku kibuga Esitadi Municipal de Montilivi. Ku munota wa 30 Yamine Yamal yafunguye amazamu , ndetse yongeye gutsinda igitego cya kabiri ku munota wa 37 ku mupira yahawe na Luwanddowisk.

Igice cya kabiri cyatangiye Barca yataka maze Dani Olmo waguzwe muri RB lepzig, yaje kubonera Barca igitego cya gatatu ku munota wa 47 ku mupira yahawe na Jules Kounde.

Ntago ikipe ya FC Barselona yarekeye aho kuko Pedri yabonye igitego cya kane ku munota wa 64 ku mupira yahawe na Marc Casdo, benshi batangira gutekereza ko yaba igiye gukora nkibyo yakoze ku munsi wa kane, aho yagejeje ibitego birindwi.

Girona yari imbere yabafana bayo ndetse yitwaye neza umwaka ushize, cyane ko yatsinze FC Barselona imikino ibiri , yageragejo kubona igitego maze ku munota wa 80 Crisitian Stuani atsinda igitego kimwe rukumbi iyi kipe yabonye.

Abantu bakomeje kwibaza icyahindutse muri FC Barselona ugererenyije n’umwaka ushize ,aho yari mu bihe bigoye ku ngoma y’umukutoza Xavi Hernandez.

Nyuma yuko Xavi atandukanye na FC Barselona ndetse agasimbuzwa umutoza w’Umudage Hansi Frick, ibintu byahise bihinduka haba mu bakinnyi mu buyobozi ndetse no mubafana.

Iyo urebye mu bakinnyi binjiye muri Barca bashya , usanga uwagira icyo atanga ari Dani Olmo , ariko abandi bari basanzwe muri iyi kipe.

Deco ushinzwe kugura abakinnyi muri Barca aherutse gutangaza ko bahisemo neza kuzana umutoza Hansi Frick , ndetse no kugura Dani Olmo.

Perezida wa FC Barselona Laporta nawe avuga ko bari gukora ibishoboka byose ngo ikipe igaruke ku murongo , bakoresheje irerero ryabo rya Lamaziya.

FC Barselona ubu iyoboye urutonde rwagateganyo rwa shampiyona ya Esipanye n’amanota 15 mu mikino itanu ikaba izigamye ibitego 13 , aho ikurikiwe na Atletico Madride ndetse na Real Madride zombi zifite amanota 11 n’ibitego 7 zizigamye.

FC Barselona izagaruka mu kibuga tariki 19 mu mikino ya UEFA Champions League isura ikipe ya Monaco mu gihe tariki 22 muri shampiyona izasura ikipe ya Villarreal.