skol
Kigali

Ninde uzakijyana!!!!: Ibyo wamenya kuri Liverpool VS Real Madrid zihurira mu ntambara yo kwegukana UEFA Champions League 2022

Imyidagaduro   Yanditswe na: Dusingizimana Remy 27 May 2022

Imyaka 41 irashize bahuriye mu rugamba rwo kwemeza umwiza cyane i Burayi mu mukino wari wabereye mu mujyi mwiza wa Paris,urangira Abongereza aribo batahanye ikuzo ku gitego 1-0 cya Liverpool ku busa bwa Madrid.

Liverpool na Real Madrid bongeye guhurira mu majyaruguru y’umurwa mukuru wUbufaransa, i Saint-Denis ku mukino wa nyuma wa UEFA Champions League 2021-22.

Mu mpera z’iki cyumweru, ikipe ya Reds ishaka igikombe cya 7 cya Champions League, irushanwa rihuza amakipe akomeye i Burayi, mu gihe Los Blancos ifite intego yo kwegukana iki gikombe ku nshuro ya 14 cyane ko ari nayo ifite agahigo.

Inter Milan, Benfica na Villarreal nibo basezerewe na Jurgen Klopp ibona amahirwe yo kwerekeza kuri Stade de France, mu gihe abasore ba Carlo Ancelotti bajugunye hanze ibigugu bitatu birimo Chelsea, Paris Saint-Germain na Manchester City.

Liverpool irabizi neza ko iki gikombe iri guhatanira gitandukanye na FA Cup na Carabao Cup yatwaye muri uyu mwaka itsinze Chelsea kuri Penaliti ariyo mpamvu igomba kuza iri hejuru imbere y’umwami wa Champions League.

Kuri uyu wa gatandatu,bizaba ari ku nshuro ya 10 Liverpool igaragaye ku mukino wa nyuma w’igikombe cya Champions League, ndetse bamwe bakavuga ko bamenyereye irushanwa.

Nubwo Inter Milan yahagaritse Reds iyitsindiye Anfield igitego 1-0, Liverpool yatsinze byibuze inshuro ebyiri mu mikino yari isigaye ya Champions League muri uyu mwaka w’imikino.

Byongeye kandi, uko gutsindwa na Nerazzurri niko gutsindwa kwa Reds konyine mu marushanwa ayo ari yo yose guheruka, aho Klopp azakomeza agahigo ko kongera imikino 18 amaze adatsindwa mu marushanwa yose kuva yatsindwa ku ya 8 Werurwe.Yatsinze imikino 10 muri 11 iheruka gutsindwa.

Benshi mu bagize iyi Liverpool muri iki gihe, begukanye umwanya wa kabiri ku mukino wa nyuma wa UEFA Champions League muri 2018 nyuma y’iryo joro riteye agahinda ryabereye i Kyiv.

Real Madrid yatsinze Liverpool mu buryo budasobanutse ibitego 3-1 birimo 2 byitangiwe n’umunyezamu Loris Karius.

Nkuko Mo Salah yabitangaje,Liverpool irashaka kwihorera kuri Madrid wabanje muri uwo mukino ariko akaza gusimbuzwa imvune yashinje Sergio Ramos.

Klopp yemeje ko kwihorera bidakorerwa cyane mu mutwe gusa, ariko amaze gutsinda ku kigero cyo hasi cya 33% kuri Real Madrid, byerekana ko uyu Mudage yagowe n’iyi kipe y’ubukombe ku isi.

Kuva inyuma watsinzwe ibitego bibiri ku busa muri Champions League mu mukino wa PSG n’ikintu cyanyuze benshi.

Gusezerera ikipe ifite igikombe yayitsinze ibitego 3-0 kuri Bernabeu n’ubundi bugenge buri wese yatangariye.

Gutsinda Manchester City nyuma yo kwinjizwa ibitego bine kuri Etihad? Carlo Ancelotti, ntawe umushidikanyaho n’umutoza ukomeye.

Gutunga rutahizamu ukomeye nka Karim Benzema hamwe na Vinicius Junior wigaragaje uyu mwaka,byatumye Los Blancos idasezererwa mu mikino ya Champions League uyu mwaka.

Ntawakwirengagiza umusanzu w’undi mukinnyi ukomoka muri Brazil,Rodrygo wakoze ibyananiranye mu mikino 2 iheruka.

Ancelotti arashaka kwegukana iki gikombe cya 14 ndetse agahagarika amapfa amaze 4 ikipe ya Real Madrid idatwara Champions League.

Real Madrid yatsinze imikino 7 yose ya nyuma ya Champions League iheruka gukina kuva yatsindwa igitego 1-0 na Liverpool muri 1981.

Ancelottiagomba kugira ubwoba kuko ikipe ye yananiwe kurangiza umukino itinjijwe igitego mu mikino yo gukurana ya Champions League yakinnye uyu mwaka.

Yabashije kwinjiza ibitego 14 mu mikino itanu iheruka yo ku mugabane w’I Burayi gusa uyu Mutaliyani arashaka kwegukana iki gikombe ku nshuroya 4 ahura na Liverpool kuri Saint-Denis.

Nabigeraho azaba abaye umutoza umwe rukumbi ukoze amateka yo kwegukana Champions League inshuro 4 kuko ubu anganya na Zinedine Zidane na Bob Paisley bafite 3.

Klopp agiye kuri Stade de France afite intego yo gutwara iki gikombe ku nshuro ya 2 mu mateka ye.

Real Madrid na Liverpool zimaze guhura inshuro umunani mu marushanwa yi burayi, aho Los Blancos yetsinze inshuro enye ugereranije n’eshatu za Liverpool.Mu mukino baheruka guhura vuba aha muri 1/4 cya UEFA Champions League iheruka byarangiye banganyije 0-0.makipe yombi yanganyije inshuro 1.

Abakinnyi bashobora kubanza mu kibuga ku mpande zombi

Liverpool:Alisson; Alexander-Arnold, Konate, Van Dijk, Robertson; Henderson, Fabinho, Thiago; Salah, Mane, Diaz

Real Madrid:Courtois; Carvajal, Militao, Alaba, Mendy; Kroos, Casemiro, Modric; Valverde, Benzema, Vinicius Jr

Ibyo wamenya:

Liverpool igiye gukina final ya 10 yatsinze 6
Iyi ni Final ya 4 kuri Jurgen Klopp

Final ya 17 kuri RealMadrid (agahigo) iya 1 kuva batsinze Liverpool 2018 .
Final ya 5 ya Ancelotti (umuhigo), 3 yakinnye na Liverpool imutsinda rimwe 2005
Final ya 1 ibereye mu Bufaransa kuva 2006.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba abakinnyi 5 bahabwa amahirwe yo kwegukana Tour de France ihatse andi...

Kuri uyu wa gatanu,tariki ya 1 Ukwakira 2022 nibwo irushanwa rikundwa...
30 June 2022 0

"Baduhaye akazi gakomeye"-Adil Mohamed yakuriye ingofero ikipe ya Kiyovu...

Umutoza wa APR FC, Adil Mohammed Erradi,yatangaje ko yanyuzwe n’imyitwarire...
30 June 2022 0

"Nishimiye ko natanze Byose"-Umunyabigwi muri Basketball Aristinde Mugabe...

Abinyujije ku mbuga nkoranyambaga ze,Umunyabigwi muri Basketball y’u Rwanda,...
30 June 2022 0

Sunrise FC yegukanye Igikombe cya shampiyona y’icyiciro cya kabiri

Ikipe ya Sunrise FC yegukany Igikombe cya Shampiyona y’Icyiciro cya Kabiri...
29 June 2022 0

Umukinnyi wa PSG yatewe n’ibisambo bimwiba ibintu bifite agaciro k’asaga...

Polisi iri guhiga bukware abajura bivugwa ko binjiye mu nzu ya Marco...
29 June 2022 0

Biravugwa: APR FC yamaze kumvikana na myugariro wari uhetse Rayon...

Biravugwa ko APR FC yamaze gusinyisha myugariro Niyigena wakiniraga Rayon...
29 June 2022 0