skol
Kigali

Novak Djokovic wa mbere ku isi muri Tennis yirukanwe muri Australia

Imyidagaduro   Yanditswe na: Dusingizimana Remy 16 January 2022

Umunya Serbia nimero ya mbere ku isi mu mukino wa Tennis yamaze gutsindwa urubanza rwo guhabwa visa imwemerera kuguma muri Australia nyuma yo kwanga kwikingiza Covid-19 ndetse akabeshya amakuru yabajijwe ajyanye na Covid ubwo yari agiye muri iki gihugu.

Uyu mukinnyi wari werekeje muri Australia gukina irushanwa rya Australian Open ryamuhiriye kurusha ayandi yose kuko amaze kuritwara inshuro 9 zirimo n’umwaka ushize,ntabwo azakina iry’uyu mwaka kuko ararara yirukanwe muri iki gihugu.

Kuba yatsinzwe uru rubanza rwa VISA,amategeko avuga ko agomba kumara imyaka 3 adakandagira muri iki gihugu kugeza ubwo azongera kubona Visa nshyashya.

Abacamanza batatu bo mu rukiko rw’ikirenga bemeje icyemezo cyo gukuraho viza y’uyu mukinnyi wa Tennis utarakingiwe, kubera inyungu rusange, bivuze ko adashobora guhatanira kugumana iki gikombe yatwaye.

Icyemezo cy’urukiko kije gikurikira icyemezo kitavuzweho rumwe cyo gusonera Djokovic gukingirwa COVID kugira ngo akine Australian Open irushanwa rya mbere muri 4 akomeye akinwa muri Tennis.

Abavoka b’uyu mukinnyi wa mbere ku isi bari bavuze ko kwandura coronavirus mu kwezi gushize byagombaga gutuma yemererwa kwinjira mu gihugu byemewe n’amategeko akanakina.

Yabanje kwamburwa visa igihe yageraga i Melbourne bwa mbere, ariko yatsinze ubujurire mu rukiko yemererwa kuguma muri Ositaraliya.

Nyuma Djokovic yemeye ko imenyekanisha ry’ingendo yakoze mbere y’ibyumweru bibiri ngo yerekeze muri iki gihugu yazibeshye kuko yavuze ko ntaho yagiye kandi hari ibihugu 2 yagiyemo.

Yiyemereye kandi ko yabajijwe imbonankubone n’umunyamakuru wo mu kinyamakuru cyo mu Bufaransa mu Kuboza, nubwo yanduye COVID.

Basanze Novak hari ibyo yabeshye ubwo yasabaga ibyangombwa byo kujya Melbourne bituma atsindwa urubanza none ahombye irushanwa ryishyura miliyoni zirenga 2 z’amadolari umukinnyi uritwaye.

Djokovic wifuzaga kwegukana igikombe cya 21 cya Grand Slam akaba uwa mbere ku isi ufite nyinshi, yagombaga gukina umukino we wo mu cyiciro cya mbere na mugenzi we wo muri Seribiya Miomir Kecmanovic. Ubu azasimburwa n’undi munyamahirwe.

Ni ku nshuro ya mbere Rafael Nadal agiye gukina Grand slam itarimo Federer na Novak icyarimwe bananganya grand slam 20.Iri rushanwa rimara ibyumweru 2 rizatangira kuri uyu wa mbere tariki ya 17 Mutarama 2021.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Manchester City yongeye kwegukana igikombe cya Premier League bivuye...

Ikipe ya Manchester City yongeye gushaka guheza umwuka abakunzi bayo ubwo...
22 May 2022 0

Kizigenza mu gutunga imodoka zihenze!!!Reba imodoka zihenze Aubameyang...

Uwahoze ari kapiteni wa Arsenal, Pierre-Emerick Aubameyang yakoresheje...
22 May 2022 0

Myugariro Chilwell yatandukanye n’ikizungerezi bakundanaga [AMAFOTO]

Myugariro w’Ubwongereza na Chelsea,Ben Chilwell, yongeye gusubira kubaho nta...
22 May 2022 0

La LIGA yiyemeje kurega PSG nyuma yo gusinyisha Kylian Mbappe

Rutahizamu w’ikipe y’igihugu y’Ubufaransa Kylian Mbappé yemeye kuguma mu ikipe...
22 May 2022 0

Bidasubirwaho Mbappe yagumye mu ikipe ya PSG yamuhaye akayabo

Rutahizamu Kylian Mbappe,yatangaje ku mugaragaro ko agiye kuguma mu ikipe...
21 May 2022 0

REG BBC yasezerewe muri #BAL 2022 mu mukino warebwe na Perezida...

Ikipe ya REGBBC yari ihagarariye u Rwanda mu mikino y’amakipe yabaye aya...
21 May 2022 0