Myugariro w’inyuma ku ruhande rw’iburyo mu ikipe ya Rayon Sports Nyandwi Saddam aratangaza ko icyamufashije kwitwara neza akigera muri Rayon Sports ari ukumvira inama z’umutoza ndetse no gukaza imyitozo cyane.
Uyu myugariro mushya waturutse mu ikipe ya Espoir FC yatangarije Radio Authentic ko kumvira umutoza ari ryo banga rya mbere yakoresheje ndetse ko icyo ashize imbere ari ukwigaragariza abafana b’ikipe ya Rayon Sports ndetse n’umutoza Karekezi Olivier bityo bikazamufasha kubona (…)

Myugariro w’inyuma ku ruhande rw’iburyo mu ikipe ya Rayon Sports Nyandwi Saddam aratangaza ko icyamufashije kwitwara neza akigera muri Rayon Sports ari ukumvira inama z’umutoza ndetse no gukaza imyitozo cyane.

Uyu myugariro mushya waturutse mu ikipe ya Espoir FC yatangarije Radio Authentic ko kumvira umutoza ari ryo banga rya mbere yakoresheje ndetse ko icyo ashize imbere ari ukwigaragariza abafana b’ikipe ya Rayon Sports ndetse n’umutoza Karekezi Olivier bityo bikazamufasha kubona umwanya uhoraho muri iyi kipe no mu Mavubi.

Yagize ati “ibanga ni ugukora iby’umutoza akubwiye,ugashyiramo imbaraga,ntabwo naje kureba amatara y’ino aha ahubwo naje gukora.Ndabizi ko ntakizananirana nzakora cyane kandi nzarenza urwego ndiho kuri ubu.”

Uyu musore uvuka mu karere ka Rusizi,akomeje gutungura abakunzi b’umupira w’amaguru mu Rwanda cyane ko kuva yagera muri Rayon Sports,yamaze gufata umwanya uhoraho ndetse bimwe mu byuho byagaragaye ku mwanya akinaho ubushize yabiboneye ibisubizo birambye.