Ikipe ya Patriots ihagarariye u Rwanda mu mikino y’akarere ka Gatanu mu mukino wa Basketball yamaze kugera ku mukino wa nyuma w’iri rushanwa nyuma yo gutsinda ikipe ya Betway Power amanota 82 kuri 74 aho irahura na City Oilers yo muri Uganda kuri uyu wa Gatandatu. Ikipe ya Patriots yayoboye umukino cyane aho mu gace ka mbere yagatsinze ku manota 18 ku 10 y’ikipe ya Betway.Agace ka kabiri Patriots yakarangije iri imbere n’amanota 35 kuri 32. Mu gace ka 3,ikipe ya Patriots yakomeje kugenda (...)

Sponsored Ad

Ikipe ya Patriots ihagarariye u Rwanda mu mikino y’akarere ka Gatanu mu mukino wa Basketball yamaze kugera ku mukino wa nyuma w’iri rushanwa nyuma yo gutsinda ikipe ya Betway Power amanota 82 kuri 74 aho irahura na City Oilers yo muri Uganda kuri uyu wa Gatandatu.

Ikipe ya Patriots yayoboye umukino cyane aho mu gace ka mbere yagatsinze ku manota 18 ku 10 y’ikipe ya Betway.Agace ka kabiri Patriots yakarangije iri imbere n’amanota 35 kuri 32.

Mu gace ka 3,ikipe ya Patriots yakomeje kugenda yitwara neza ndetse ari nako igenda ishyiramo ikinyuranyo cy’amanota icyenda dore ko karangiye ku manota 57 kuri 48 ya Betway.

Umukino warangiye ikipe ya Patriots itsinze ku kinyuranyo cy’amanota 8 dore ko Patriots yawutsinze ku manota 82 kuri 74 ya Betway Power yo muri Uganda.

Kuri uyu wa Gatandatu taliki ya 07 Ukwakira 2017,nibwo hateganyijwe umukino wa nyuma uraza guhuza Patriots na City Oilers nayo yo muri Uganda bari kumwe mu itsinda rimwe rya A ndetse mu mukino wabahuje iyi kipe yatsinze Patriots amanota 77 kuri 73 ya Patriots,hari ku italiki ya 03 Ukwakira 2017.

Bamwe mu bakinnyi ikipe ya City Oilers igenderaho ni Pegues Adarlus na Robinson Opong batsinze amanota 19 buri umwe muri uyu mukino bahuyemo na Patriots ndetse n’uwitwa Jordin D. Mayes.