skol
Kigali

Paul Pogba yahishuye akaga yahuye nako mu mwuga we n’ikintu cy’agaciro abajura baherutse kumwiba

Imyidagaduro   Yanditswe na: Dusingizimana Remy 23 March 2022

Umukinnyi wa Manchester United,Paul Pogba,yahishuye ko yagize ikibazo cyo kwiheba mu mwuga we.

Uyu mukinnyi wo hagati w’Ubufaransa, ufite imyaka 29, yatangaje ko yibwe umudari yegukanye mu gikombe cy’isi cya 2018 ubwo abajura baheruka kwinjira mu nzu ye bakamwiba.

Mu kiganiro yagiranye n’Ikinyamakuru cyo mu gihugu cye, uyu mukinnyi wa Manchester United, Pogba yagize ati: "Nagize agahinda gakabije mu kazi kanjye, ariko ntitubivugaho.

"Rimwe na rimwe ntuba uzi uko umeze,uba ushaka gusa kwiheza, kuba wenyine, ibi ni ibimenyetso bidashidikanywaho."

Uyu mukinnyi wa United aherutse kwibwa mu bujura bwabereye i Manchester ku ya 15 Werurwe 2022.Muri iryo joro, United yasezerewe muri Champions League muri 1/16 na Atletico Madrid.

Pogba yabwiye Le Figaro ati: "Meze neza, n’umuryango wanjye.

Nagize icyumweru gitunguranye,mu mukino wa Champions League aho namenyeye ko ntazakina, maze gutaha, nsanga urugo rwanjye rwibwe nyuma yo kwinjirirwa n’abantu batatu banyibye umutekano.

“Hari imitako ya mama, umudari wanjye w’igikombe cy’isi…

Icyanteye ubwoba cyane, ni uko abana banjye bombi bari mu rugo hamwe n’ubarera ubwo ubujura bwabaga.

Yumvise ibintu byose, ahamagara umugore wanjye n’abashinzwe umutekano, hanyuma yifungirana mu cyumba n’abahungu banjye (bafite imyaka 1 na 2).

“Nyuma y’iminsi itari mike, aracyagize ubwoba.

"Icy’ingenzi ni uko abana banjye bameze neza."

Kuri ubu Pogba yagarutse mu gihugu cye mu mikino mpuzamahanga.

Les Bleus irakina na Cote d’Ivoire uyu munsi i Marseille, mbere yo kwakira Afurika y’Epfo i Lille.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba amafoto yihariye ya Perezida Kagame mu muhango wo gutaha ikibuga cya...

Amafoto atandukanye agaragaza Perezida Kagame ubwo yari yitabiriye umuhango...
21 May 2022 0

IFOTO Y’UMUNSI:Perezida Kagame yigaragaje cyane mu mukino wa...

Perezida Kagame yafunguye ku mugararo ikibuga cya "Club Rafiki", i...
21 May 2022 0

Perezida Kagame yagaragaje imbamutima ze ku kuba u Rwanda rugiye kongera...

Perezida Kagame yagiranye ikiganiro na Masaï Ujiri, umwe mu batangije...
21 May 2022 0

Coco Gauff wakunzwe na benshi muri Tennis yarangije amashuri yisumbuye...

Coco Gauff usanzwe ari umwe mu bakinnyi bakiri bato bahagaze neza muri...
21 May 2022 0

IFOTO Y’UMUNSI:Salima Mukansanga yishimiye guhura n’abayobozi muri Siporo...

Kuri uyu wa Gatandatu,mu Mujyi wa Kigali habereye Inama yiga ku Iterambere...
21 May 2022 0

Perezida Kagame yahishuye abakinnyi 5 akunda muri NBA

Mu kiganiro yagiranye n’umunya-Nigeria,Masai Ujiri uyobora Toronto Raptors...
21 May 2022 0