Umukinnyi Paul Pogba uherutse gutangaza ko gukina mu ikipe ya Real Madrid ari inzozi ze,yamaze kubwira Manchester United akinira ko igomba kumuhemba akayabo k’ibihumbi 500 ku cyumweru niba yifuza ko yongera amasezerano.

Sponsored Ad

Paul Pogba ushaka gutozwa na Zidane muri Real Madrid arifuza guhembwa amafaranga angana n’aya Alexis Sanchez wahombeje Manchester United kugira ngo yongere amasezerano mashya.

Pogba uhembwa ibihumbi bisaga 300 ku mwaka,arifuza ko Manchester United imwongerera ikamugeza kuri 500 by’amapawundi hanyuma akongera amasezerano yamugeza mu mwaka wa 2024.

Pogba asigaje amasezerano y’imyaka 2 mu ikipe ya Manchester United ariyo mpamvu umutoza we Solskjaer yasabye ko bamwongerera andi byihuse kugira ngo atazagendera Ubuntu.

Zidane arifuza kugura Eden Hazard na Pogba kugira ngo bamufashe kubaka ikipe nshya isa neza n’iyo aheruka gutunga yamuhesheje UEFA Champions League 3 zikurikiranya.

Mino Raiola ugurisha Pogba,arifuza ko umukiliya we yigomeka agaca Manchester United umurengera kugira ngo bamurekure yigire mu ikipe ya Real Madrid,yinjize akayabo.