Umutoza Pep Guardiola yabwiye amakipe ahanganye na Man City ye mu irushanwa rya Champions League ko iyi kipe ye ntacyo irakora nyuma yo gutwara iki gikombe umwaka ushize.

Nyuma yo gutwara Premier League na FA Cup umwaka w’imikino ushize, City yabaye ikipe ya kabiri yo mu Bwongereza yatwaye ibikombe bitatu, ubwo yatsindaga Inter Milan igitego 1-0 ku mukino wa nyuma wa Champions League.

Man City iratangira urugendo rwo kwisubiza igikombe cya Champions League ikina na Red Star Belgrade mu rugo kuri uyu wa kabiri.

Guardiola yagize ati: "Bizoroha.Ikigoye gutwara n’igikombe cya mbere.

Ku ikipe yacu gutwara igikombe cya Champions League niratangaje, ariko urebye, ni bangahe batwaye igikombe cya Champions League? Benshi.

"Nta kintu kidasanzwe turakora kuko dufite kimwe gusa, ariko dufite ishema bidasanzwe."

Umutoza wa Man City yavuze ko atongeye kureba umukino ikipe ye yatsinze Inter Milan i Istanbul, aho umukinnyi wo hagati wa Espagne Rodri yatsinze igitego kimwe rukumbi.

Ati: "Ntabwo narebye umukino, na rimwe."

"Numvaga ko [Inter Milan] ari ikipe ikomeye. Barabigaragaje. Wari umukino utoroshye,berekanye imbaraga zabo kandi n’ubu n’abakandida."

Myugariro w’Umwongereza Kyle Walker yavuze ko City iri ku mwanya wa mbere muri Premier League nyuma yo gutsinda imikino 5 kuri 5, itazigera tubakira ku gutwara Champions League ishize.

Walker wasinye amasezerano mashya na Man City, yagize ati: "Ibyo twakoze byabaye impitagihe,turi mu mwaka w’imikino mushya. Umutoza yashushanyije igishushanyo maze adushyira munsi y’umusozi kandi tugomba kongera kuwuzamuka.

"Kongera gutsinda nibyo bitandukanya amakipe meza n’amakipe akomeye."

Hamwe n’ikipe ya Red Star Belgrade yo muri Serbia, City iri mu itsinda G rya Champions League G hamwe n’ikipe yo mu Budage, RB Leipzig n’iyo mu busuwisi, Young Boys.

Champions League y’uyu mwaka irihariye kuko Arsenal imaze imyaka 6 itayikina yagarutse mu gihe Newcastle United yari imaze imyaka 20 yaraburiwe irengero nayo izakina irushanwa ry’uyu mwaka.

Umukino wa nyuma wa Champions League uyu mwaka uzabera i Wembley tariki ya 01 Kanama 2024.

IMIKINO Y’UMUNSI WA MBERE MU MATSINDA YA CHAMPIONS LEAGUE:

Kuwa Kabiri tariki 19 Nzeri

AC Milan vs Newcastle United (18:45)
Young Boys vs Leipzig (18:45)
Feyenoord vs Celtic (21:00)
Lazio vs Atlético de Madrid (21:00)
Paris vs Dortmund (21:00)
Man City vs Crvena zvezda (21:00)
Barcelona vs Antwerp (21:00)
Shakhtar Donetsk vs Porto (21:00)

Kuwa Gatatu tariki 20 Nzeri

Galatasaray vs Copenhagen (18:45)
Real Madrid vs Union Berlin (18:45)
Bayern vs Man United (21:00)
Sevilla vs Lens (21:00)
Arsenal vs PSV Eindhoven (21:00)
Braga vs Napoli (21:00)
Benfica vs Salzburg (21:00)
Real Sociedad vs Inter (21:00)

Amakipe ahagarariye Ubwongereza