Umutoza Pep Guardiola wa Manchester City watwaye igikombe cya shampiyona y’Ubwongereza uyu mwaka,yatangaje ko Sergio Aguero yamaze kumvikana na Barcelona ndetse ko azakinana na Lionel Messi mu mwaka w’imikino utaha.

Sponsored Ad

Pep wa Manchester City yatangaje ko yishimiye ko uyu rutahizamu w’ibihe byose Kun Aguero agiye kwerekeza mu ikipe afana ya FC Barcelona yamazemo imyaka 15 ayikinira akanayitoza.

Yagize ati “Nshobora kuba ngiye kumena ibanga.birashoboka ko yamaze kumvikana n’ikipe y’umutima wanjye,FC Barcelona.

Ashobora kuba agiye gukinana n’umukinnyi mwiza kurusha abandi bose babayeho,Messi.Ndabizi neza ko agiye kwishima.Birashoboka ko FC Barcelona izakomera cyane imufite mu kibuga.

Guardiola yahishuye ko Messi ashobora kuzaguma muri FC Barcelona muri iki kiganiro nubwo byavugwaga ko azamugura.

Messi yashatse kuva muri Barca mu mwaka w’imikino ushize ariko ikipe irabyanga yanga guhatiriza ayijyana mu nkiko.

Ntabwo arongera amasezerano kuko ayo yari afite arasozwa mu kwezi gutaha ariko hari amakuru avuga ko uyu munyabigwi yamaze kumvikana na Joan Laporta uherutse gutorerwa kuyobora FC Barcelona.

Barca yarangije La Liga ku mwanya wa 3 aho yaruhijwe amanota 7 na Atletico Madrid ya mbere gusa uyu mwaka yatwaye Copa del Rey.