Pep Guardiola yavuze muri make itandukaniro riri hagati ya Erling Haaland na Lionel Messi,nyuma y’aho Manchester City itsinze Manchester United ibitego 6-3 ku cyumweru.
Haaland yishimiye gutangira neza ubuzima muri City, atsinda ibitego 17 bidasanzwe mu mikino 11 ya mbere yakinnye muri iyi shampiyona ikomeye ku isi.
Uyu musore w’imyaka 22 yatsinze ibitego 3 United,aba umukinnyi wa mbere utsinze ibitego bitatu mu mikino 3 yikurikiranya yo mu rugo muri Premier League.
Bitwaye Haaland (…)

Pep Guardiola yavuze muri make itandukaniro riri hagati ya Erling Haaland na Lionel Messi,nyuma y’aho Manchester City itsinze Manchester United ibitego 6-3 ku cyumweru.

Haaland yishimiye gutangira neza ubuzima muri City, atsinda ibitego 17 bidasanzwe mu mikino 11 ya mbere yakinnye muri iyi shampiyona ikomeye ku isi.

Uyu musore w’imyaka 22 yatsinze ibitego 3 United,aba umukinnyi wa mbere utsinze ibitego bitatu mu mikino 3 yikurikiranya yo mu rugo muri Premier League.

Bitwaye Haaland imikino umunani gusa kugira ngo atsinde ibitego bitatu inshuro 3 mu mikino ya Premier League,akuraho agahigo ka Michael Owen watsinze ibitego 3 inshuro 3 mu mikino 48.

Pep Guardiola yabajijwe niba yizera cyane Haaland nkuko byari bimeze agitoza Lionel Messi muri FC Barcelona.

Umunyamakuru yabajije Guardiola ati: "Ni umukinnyi utandukanye, ariko ugifite Leo Messi, wahoraga witeze ko asohoka agatsinda muri buri mukino, niko bimeze no kuri Erling Haaland?"

Mu gusubiza uyu munyamakuru wa beIN Sports, Guardiola yagize ati: “Itandukaniro rihari n’uko Erling akenera abo bakinana bose kugira ngo abashe kubikora.Ntabwo bishoboka. [Ariko] Messi yari afite ubushobozi bwo kubikora wenyine."

Abafana bagiye ku mbuga nkoranyambaga kugira ngo baganire ku bitekerezo bya Guardiola. Bamwe banenze umutoza kuba yacishije bugufi impano ya Haaland, abandi basingiza Messi.