Umutoza wa Manchester City,Pep Guardiola yatunguye benshi kubera amagambo yavuze kuri Liverpool baresurana kuri uyu mugoroba ko azi igitutu gikomeye abakinnyi b’iyi kipe bariho kubera ko bataratwara igikombe.

Pep Guardiola yabwiye abanyamakuru ko yiyumvisha agahinda abakinnyi ba Liverpool baterwa no kuba bataratwara igikombe kandi bafite ikipe ikomeye aho yavuze ko ariyo mpamvu bahorana igitutu.

Guardiola yavuze ko bitoroheye abakinnyi ba Liverpool kurwana nigitutu cyo gushaka igikombe cyabo cya mbere nyuma y’imyaka 29 ya shampiyona.

Yagize ati “Ubwo nari muri FC Barcelona na Bayern Munich,namenye icyo biba biba bivuze ku mukinnyi gutwara igikombe.Ndumva uko abakinnyi ba Liverpool bamerewe ubu nyuma y’imyaka 29 badatwara igikombe.Tugomba gukina nabo nkaho ari umukino wa nyuma kuko badusize amanota 10 kuyakuramo byatugora.”

Guardiola n’abakinnyi be barakira Liverpool uyu munsi saa yine mu mukino w’ishyiraniro wa Premier League urabera ku kibuga Etihad Stadium.