Umutoza w’ikipe ya Manchester City yatangaje ko ikintu cyamugoye kurusha ibindi kuva yagera mu Bwongereza ari uguhangamura ikipe ya Manchester United yari yarigaruriye Ubwongereza mu myaka 20 ishize.

Uyu mutoza watwaye igikombe cya shampiyona mu mwaka w’imikino ushize akoze agahigo ko kugeza ku manota 100,yavugiye muri filimi y’uruhererekane yitwa ’All Or Nothing’ ko gutwara igikombe ahigitse Manchester United aricyo kintu cyamugoye kuva yagera mu Bwongereza.

Abakinnyi ba Manchester City bari gukina filimi mbarankuru yitwa All or Nothing

Yagize ati “Nari mpanganye n’abantu bamaze 15 na 20 bayoboye Ubwongereza.Kubigaranzura ngatwara igikombe byarangoye ku buryo bukomeye.”

Pep Guardiola yatsinze amakipe yose akomeye mu mwaka w’imikino ushize akaba ariyo mpamvu yemeje ko byamugoye guhigika ibi bigugu akabitwara shampiyona.