Umutoza wa Manchester City,Pep Guardiola yavuze ko ikipe bahanganiye igikombe ya Arsenal nidasubira inyuma,izatwara igikombe cya shampiyona ifite amanota 100 nkuko nawe yigeze kubikora.
Pep Guardiola yavuze ko Arsenal izagorana kuyikura ku mwanya wa mbere muri Premier League ndetse ko nabo bakeneye amanota arenga 100 ngo bisubize igikombe.
Arsenal yashoboraga kurusha Guardiola n’ikipe ye amanota 10 ariko umutoza Mikel Arteta n’abasore be baraye banganyije 0-0 mu rugo na Newcastle United. (…)

Umutoza wa Manchester City,Pep Guardiola yavuze ko ikipe bahanganiye igikombe ya Arsenal nidasubira inyuma,izatwara igikombe cya shampiyona ifite amanota 100 nkuko nawe yigeze kubikora.

Pep Guardiola yavuze ko Arsenal izagorana kuyikura ku mwanya wa mbere muri Premier League ndetse ko nabo bakeneye amanota arenga 100 ngo bisubize igikombe.

Arsenal yashoboraga kurusha Guardiola n’ikipe ye amanota 10 ariko umutoza Mikel Arteta n’abasore be baraye banganyije 0-0 mu rugo na Newcastle United.

City iheruka kunganya na Everton ku munsi wa nyuma wa 2022,igomba gutsinda Chelsea mu ijoro ryo kuri uyu wa Kane kugira ngo igabanye ikinyuranyo kibe amanota 5.

Pep yabwiye abanyamakuru uyu munsi ati "Uburyo ushobora kugabanyamo ikinyuranyo n’ugukina neza ugatsinda imikino.

(Arsenal) ifite impuzandengo igaragaza ko bashobora kuzagira amanota arenga 100 bakomeje gukina nkuko bameze ubu.

Nibakomeza muri uyu mujyo,ntabwo tuzabafata.Tugomba kuba beza kuva ubu hanyuma tukitega ko basubira inyuma.Ejo bari beza imbere ya Newcastle ariko reba ibyabaye."

Arsenal iri gushaka igikombe cya shampiyona iheruka 2004,ni iya mbere n’amanota 44 mu mikino 17 mu gihe City ifite 36 mu mikino 16,aho yatakaje amanota 2 ugereranyije nayo yari ifite umwaka ushize.

Abantu benshi bategereje kureba niba Chelsea yahagarika City kuri Stamford Bridge aruko iyi kipe ya Graham Potter iri ku mwanya wa 10.

Guardiola yiteze akazi gakomeye kuri uyu mukino nk’ibisanzwe.