skol
Kigali

Perezida Kagame yarebye umukino Misiri yatsinzemo u Rwanda mu gushaka itike yo kujya muri AFROBASKET [AMAFOTO]

Imyidagaduro   Yanditswe na: Dusingizimana Remy 13 July 2021

Nyakubahwa Perezida wa Repubulika Paul Kagame yari ku kibuga cya Kigali Arena aho yarebaga umukino wa kabiri wa Zone ya 5 mu gushaka itike yo kwerekeza muri AFROBASKET,ikipe ya Misiri y’abakobwa yatsinzemo u Rwanda amanota 71-59.


U Rwanda rwari ruyobowe na kizigenza Tierra Henderson wari ku rwego rwo hejuru,rwakinnye neza uduce tubiri tubanza rurusha bigaragara Misiri ariko rwagiye kurangiza agace ka 3 imbaraga zashize bituma agace ka kane korohera Misiri.

Bigitangira abakobwa b’u Rwanda barushaga Misiri kugarira no gutsinda amanota byarangiye agace ka mbere batsinze amanota 24 kuri 16.

Agace ka kabiri nako u Rwanda rwakitwayemo neza muri byose ndetse kaza kurangira ruyoboye ku manota 39 kuri 29 n’ukuvuga amanota 10 y’ikinyuranyo.

Kubera ko u Rwanda rwubakiraga kuri kapiteni warwo Tierra Henderson,abakinnyi ba Misiri baje kumuvumbura hanyuma aba ariwe bashyiraho umutima niko kugaruka mu mukino batsinda amanota yisukiranya.

U Rwanda rwari rwamaze kwiyizera cyane,rwavuye mu mukino,rutangira gukora amakosa menshi yatumye agace ka 3 karangira rwishyuwe amanota yose banganya amanota 49-49.

Abakinnyi b’u Rwanda barimo Murekatete Bella bakoze amakosa menshi muri utu duce tubanza bituma bigengesera ntibashyira imbaraga mu kugarira byatumye Misiri yinjiza amanota menshi.

Mu gihe Henderson yari yananiwe,nta wundi mukinnyi wabonetse wo kumwunganira ndetse bagenzi be basubiye inyuma mu gutsinda amanota birangira batsinzwe.

Umutoza w’u Rwanda yabwiye RBA ko ikipe ye yabuze ubunararibonye cyane ko yakoresheje imbaraga nyinshi mu duce tubanza 3 ariko akanyuma isubira inyuma cyane kuko yatsinzwemo amanota 22 kuri 10.

Umukino muri rusange warangiye Misiri itsinze amanota 71 kuri 59 y’u Rwanda aho umunya Misiri Abdeigawad, ariwe watsinze amanota menshi mu mukino 23 mu gihe Tierra Henderson yatsinze 17.

Iyi kipe y’Igihugu y’Abagore yari yatangiye neza mu mikino yo gushaka itike y’Igikombe cya Afurika (Afrobasket 2021), itsinda iya Kenya amanota 77-45 mu mukino wabereye muri Kigali Arena kuri uyu wa Mbere.

Ibihugu bine birimo u Rwanda, Kenya, Misiri na Sudani y’Epfo nibyo bihataniye umwanya umwe wo kuzahagarira Akarere ka V muri Afrobasket 2021 izabera muri Cameroun muri Nzeri uyu mwaka.






Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Messi yahishuye amakipe aha amahirwe yo kugora PSG muri UEFA Champions...

Umunyabigwi mu mupira w’amaguru ukinira PSG, Lionel Messi, yashyize...
14 October 2021 0

Ombolenga agiye kumara ukwezi kose adakinira APR FC

Omborenga Fitina, umunyarwanda ukina ku ruhande rw’iburyo yugarira muri APR...
14 October 2021 0

Wa munya Brazil waje gukinira Rayon Sports yavuze intego ikomeye imuzanye...

Rutahizamu ukomoka muri Brazil,Chrismar Malta Soares,waje gukinira Rayon...
14 October 2021 1

Agnes Tirop wahagarariye Kenya mu mikino Olimpike i Tokyo yiciwe mu rugo...

Ibitangazamakuru byo mu gihugu cya Kenya biri kuvuga cyane ku rupfu rwa...
13 October 2021 0

N’golo Kante yakoze ku mutima abakozi bo muri Resitora yagiye gufatiramo...

N’golo Kante yongeye kwerekana ko ari we mukinnyi wicisha bugufi kurusha...
13 October 2021 0

Edinson Cavani yasabwe gukora ikintu gikomeye kubera Cristiano...

Rutahizamu Edinson Cavani yasabwe kuva muri Manchester United kubera ko...
13 October 2021 0