skol
Kigali

Perezida wa Musanze FC na bagenzi be bari beguye bagarutse nyuma y’ibiganiro n’akarere

Imyidagaduro   Yanditswe na: Dusingizimana Remy 3 August 2021

Nyuma y’ibiganiro byamaze amasaha arenga 5, bihuje ubuyobozi bw’akarere ka Musanze na komite y’ikipe ya Musanze FC, yari yeguye iyobowe na Tuyishime Placide uzwi nka Trump,byarangiye bemeranyije kugaruka mu nshingano zabo.


Amakuru atugeraho aravuga ko Akarere ka Musanze kemeye kongera ingengo y’imari igenerwa ikipe cyane ko aba bagabo bose bavuze ko ubukungu bwifashe nabi aricyo kibazo cyatumye begura.

Ku munsi w’ejo, Perezida w’ikipeTuyishime Placide uzwi nka Trump , Rwabukamba Jean Marie Vianney ‘Rukara’ nka Visi Perezida wa mbere, Rwamuhizi Innocent nka Visi Perezida wa kabiri, Nsanzumuhire Dieudonné wayoboraga abafana na Habineza Haruna wari umujyanama, bose beguriye rimwe.

Abayoboraga Musanze FC bavuze ko badashobora kuyobora ikipe ifite ingengo y’imari ya miliyoni 100 Frw nyamara mu mwaka ushize w’imikino yarakoresheje asaga miliyoni 200 Frw.

Mu ibaruwa, abeguye banditse ko ubushobozi bugenda bubabana buke ndetse n’Akarere kakagabanya ingengo y’imari gashyira mu ikipe nyamara kuri ubu amafaranga akenewe ari menshi.

Nyuma yo kubona iyi nkuru, Gatabazi JMV akaba Minisitiri w’Ubutegetsi bw’igihugu wanabaye Guverineri w’Intara y’Amajyaruguru, abinyujije ku rukuta rwe rwa Twitter, yahumurije iyi kipe kimwe n’andi makipe y’Uturere.

Ati "Musanze FC ese amakuru numvise kuri Musanze FC yaba ari yo? Mukomere ntimucike intege turateganya gushyigikira amakipe afashwa n’Uturere kugira imiyoborere myiza kandi akagenerwa ubushobozi bujyanye n’ibyo ikipe ikenera byibuze kugira ngo ishobore kubaho umwaka wose."

Ibi byatumye akarere ka Musanze kaganira n’abayobozi b’iyi kipe beguye kugeza ubwo bemeranyije gusubira ku nshingano zabo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FC Barcelona igiye kuvugurura stade yayo kugira ngo izakire Abantu 110.000...

Perezida wa FC Barcelona, Joan Laporta yemeje iyi kipe izava ku kibuga cya...
18 October 2021 0

AS Kigali yakoreye amakosa i Kigali imbere ya DCMP yo muri RDC

Ikipe ya AS Kigali yakoze amakosa itsindirwa mu rugo na Darling Club Motema...
17 October 2021 0

Abafaransa batangaje umukinnyi wabo bifuza ko yatwara Ballon d’Or utari...

Ubushakashatsi bwakozwe na Odoxa bagatangazwa naKeneo na RTL,ku itsinda...
17 October 2021 0

Jurgen Klopp yemeje ko Mohamed Salah ariwe ’mukinnyi wa mbere mwiza’ ku...

Umutoza wa Liverpool Jurgen Klopp yavuze ko Mohamed Salah ari we mukinnyi...
17 October 2021 0

Mauro Icardi wa PSG biravugwa ko amerewe nabi cyane n’umugore...

Umugore uzwi cyane ku mbuga nkoranyambaga kubera amashusho yambaye ubusa...
17 October 2021 0

Umwe mu bakinnyi ba Manchester United yanenze imitoreze ya Ole

Umukinnyi wo hagati,Paul Pogba,yashyize igitutu ku mutoza we, Ole Gunnar...
17 October 2021 0