Umutoza wa Chelsea,Mauricio Pochettino yavuze ko yasabwe kutazigera akinisha rutahizamu Romelu Lukaku waguzwe akayabo n’iyi kipe ariko akayibera igihombo.
Chelsea iri kurwana no gushaka uko yagurisha uyu mukinnyi yatanzeho miliyoni 97.5 z’amapawundi ariko ikaba yaramuburiye umwanya wo gukina.
Umutoza Pochettino yavuze ko yahawe akazi agasanga hari ikibazo kiri hagati ya Lukaku n’ubuyobozi bwa Chelsea ndetse ko nigikemuka bazabimubwira.
Yagize ati "Ikibazo cyari gihari na mbere y’uko (…)

Umutoza wa Chelsea,Mauricio Pochettino yavuze ko yasabwe kutazigera akinisha rutahizamu Romelu Lukaku waguzwe akayabo n’iyi kipe ariko akayibera igihombo.

Chelsea iri kurwana no gushaka uko yagurisha uyu mukinnyi yatanzeho miliyoni 97.5 z’amapawundi ariko ikaba yaramuburiye umwanya wo gukina.

Umutoza Pochettino yavuze ko yahawe akazi agasanga hari ikibazo kiri hagati ya Lukaku n’ubuyobozi bwa Chelsea ndetse ko nigikemuka bazabimubwira.

Yagize ati "Ikibazo cyari gihari na mbere y’uko ngera hano.Hari icyifuzo hagati y’ikipe n’umukinnyi cyo gushaka igisubizo.Ubu turatuje kandi nta cyabaye.

Nihagira igihinduka nzababwira.Kuva umukinnyi n’ikipe bifuza gushaka igisubizo,ntabwo bindeba,ni ibyabo.

Kuri icyo kibazo,umukinnyi n’ikipe bazamenyesha niba hari icyahindutse.Ntacyo nzakora kugeza igihe ikipe cyangwa umukinnyi bamvugishije."

Juventus yari yemeye kwishyura Chelsea miliyoni 35 z’amapawundi kuri uyu mukinnyi wari waguzwe akabakaba miliyoni 100 z’amapawundi mu myaka ibiri ishize.

AS Roma ishaka gutira uyu mukinnyi ariko umuyobozi wa Chelsea,Todd Boehly ashaka kumugurisha burundu.

Poch yavuze ko akeneye undi rutahizamu nyuma yo kuvunika kwa Armando Broja,Christopher Nkunku na Carney Chukwuemeka.