Umukinnyi Paul Pogba agiye guhagarikwa imyaka ine nyuma yo gupimwa ibizamini bgasanga yarakorehsheje imiti yongera imbaraga.

Biravugwa ko Juventus yiteguye gusesa amasezerano ye,yatumaga ahembwa 130.000 by’amapawundi-buri cyumweru kubera iyo mpamvu.

Uyu mufaransa w’imyaka 30 yari yahagaritswe by’agateganyo nyuma yo gutsindwa ikizamini cyo kureba niba adakoresha imiti itemewe mu kwezi gushize.

Icyakora ikipe ye ya Juve yarajuriye hemezwa gukora ikindi kizamini nacyo cyemeje ko yakoresheje iyo miti.

Amakuru ava mu Butaliyani aravuga ko Juventus itazakomezanya na Pogba bityo bagiye gusesa amasezerano.

Ubundi Pogba yapimwe imisemburo ya testosterone nyuma y’umukino Juventus yakinye na Udinese.

Pogba azakorwaho iperereza,nibasanga yarabikoze abigambiriye azahagarikwa imyaka 4 adakina mu gihe nibasanga ari impanuka azahagarikwa imyaka 2.

Pogba yahawe icyumweru cyo kwitegura ibazwa ndetse yiteguye kwitaba urukiko mu byumweru bine biri imbere.