skol
Kigali

Pogba yakiriwe nka Perezida muri Guinea ahatangira ubutumwa bukomeye [AMAFOTO]

Imyidagaduro   Yanditswe na: Dusingizimana Remy 22 June 2022

Icyamamare muri ruhago Paul Labile Pogba yakiriwe neza,ubwo yari aje mu biruhuko muri Guinea, igihugu ababyeyi be bavukamo nubwo we yavukiye mu Bufaransa.

Kuri uyu wa kabiri, nibwo umukinnyi wo hagati Paul Pogba yakiriwe nk’intwari I Conakry n’abantu uruvunganzoka bari baturutse impande n’impande baje kumureba.

Uyu mukinnyi usanzwe akinira ikipe y’igihugu y’Ubufaransa yavuze amagambo akomeza Gineya, igihugu cy’ababyeyi be,n’afurika muri rusange.

Yagize ati "Turashaka gusa amahoro, icyubahiro no gutera imbere. Turashaka kandi ko Afurika imera nk’Uburayi, tugatera imbere kuko natwe dufite ubwo butunzi, dufite urukundo n’ibyishimo byinshi. Amahoro rero, amahoro, amahoro birakenewe. "

Imbaga nini yari yahururiye kureba uyu mukinnyi ndetse bamwe bari bafite ibyapa n’amafoto manini ariho Pogba na nyina.

Bamwe mu banya Guinea bakoze urugendo rurerure baturute mu majyepfo y’igihugu kugira ngo bagire amahirwe yo kubona Paul Pogba batarapfa.

Cécé Pela Haba,Umuyobozi w’umujyi wa Pela yagize ati"Pela niwo umudugudu wavukiyemo se wa Paul Pogba, bityo rero ni umudugudu wa Paul Pogba, ni umudugudu wa basekuruza be.Ni yo mpamvu twakoze uru rugendo.

Abaturage ba Pela baje ari benshi, nitwe twatumye aba bantu bose baza hano kwakira umuhungu wabo.Kuko iyo umuhungu wawe ari inyenyeri imurikira isi yose, ugomba kumwishimira, ugomba kuba uhari, niyo mpamvu turi hano. Nk’umuyobozi wa hano, ndi hano kugira ngo ngaragaze umunezero wanjye. "

Mu gihe azamara muri Guinea, Pogba azagaragara mu mukino wo gufasha Guinea kandi bivugwa ko azahura n’abayobozi ba leta n’amashyirahamwe y’imikino.

Biteganijwe ko uyu musore watwaye igikombe cy’isi n’Ubufaransa muri 2018 azava muri Manchester United amasezerano ye arangiye kandi bivugwa ko azasubira mu Butaliyani gukinira Juventus.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tottenham yaguze rutahizamu wifuzwaga n’amakipe akomeye mu Bwongereza

Ikipe ya Tothenham Hotspurs yamaze kurangizanya na Richarlison wakiniraga...
1 July 2022 0

APR FC yakuyeho urujijo ku byavugwaga ko igiye kugarura Abanyamahanga

Ubuyobozi bwa APR FC bwatangaje ko nta gahunda ihari yo kwinjiza abakinnyi...
30 June 2022 0

Reba abakinnyi 5 bahabwa amahirwe yo kwegukana Tour de France ihatse andi...

Kuri uyu wa gatanu,tariki ya 1 Ukwakira 2022 nibwo irushanwa rikundwa...
30 June 2022 0

"Baduhaye akazi gakomeye"-Adil Mohamed yakuriye ingofero ikipe ya Kiyovu...

Umutoza wa APR FC, Adil Mohammed Erradi,yatangaje ko yanyuzwe n’imyitwarire...
30 June 2022 0

"Nishimiye ko natanze Byose"-Umunyabigwi muri Basketball Aristinde Mugabe...

Abinyujije ku mbuga nkoranyambaga ze,Umunyabigwi muri Basketball y’u Rwanda,...
30 June 2022 0

Sunrise FC yegukanye Igikombe cya shampiyona y’icyiciro cya kabiri

Ikipe ya Sunrise FC yegukany Igikombe cya Shampiyona y’Icyiciro cya Kabiri...
29 June 2022 0