Ikipe ya Police FC ikomeje gusarura amanota muri shampiyona nyuma y’aho kuri uyu wa Gatanu yatsinze igitego 1-0 Gorilla FC,mu mukino ubimburira iyindi y’umunsi wa 10 wa shampiyona.

Uyu mukino wabereye kuri Kigali Pelé Stadium,Police FC yongeye kubona amanota atatu ibifashijwemo na Mugenzi Bienvenu,ku gitego yatsinze ku munota wa 55 yikaraze mu kirere.

Uyu mukino warebwe n’umutoza mushya w’Ikipe y’Igihugu "Amavubi", Umudage Torsten Frank Spittler, watangiye akazi kuri uyu wa Gatanu tariki 3 Ugushyingo 2023 aherekejwe n’Umwungiriza we, Mulisa Jimmy.

Nyuma yo gutsindirwa na Etincelles i Rubavu, Police FC imaze gutsinda imikino 5 yikurikirana,yatsinze ibitego 8 itsindwa 2.

Ni ubwa mbere Police FC itsinze imikino 5 yikurikiranya muri shampiyona n’igikombe cy’amahoro kuva muri 2019.Umukino ukurikira yagombaga kuzakina na Amagaju.

Urutonde:

1. Musanze FC (-1) 20pts
2. Police FC 19pts
3. APR FC (-1) 18pts
...
12. Gorilla 9pts
...
15. Etincelles 7pts
16. Sunrise FC 6pts

Gahunda y’umunsi wa 10 wa shampiyona

Ku wa Gatandatu tariki ya 4 Ugushyingo 2023

Marines FC vs Amagaju FC
Rayon Sports vs Mukura VS
Muhazi United vs APR FC
Musanze FC vs Kiyovu Sports

Ku Cyumweru tariki ya 5 Ugushyingo 2023

Etoile del’Est vs Gasogi United
AS Kigali vs Sunrise FC
Etincelles vs Bugesera FC