skol
fortebet

Premier League:Arsenal na Chelsea zahawe isomo rya ruhago mu gihe Manchester City ikomeje kuyobora shampiyona

Yanditswe: Saturday 14, Oct 2017

Sponsored Ad

Kuri uyu wa Gatandatu nibwo shampiyona y’Ubwongereza yari igeze ku munsi wa 8 aho amakipe y’ibikomerezwa yatakaje amanota mu gihe ikipe ya Manchester City ikomeje kuyobora iyi shampiyona ndetse no kwerekana ikinyuranyo hagati yayo n’andi bihanganye. Kuri uyu wa Gatandatu nibwo hari hategerejwe umukino ukomeye wagombaga guhuza amakipe y’amakeba Liverpool na Manchester Unitedumukino wabereye kuri stade ya Afield bikaza kurangira nta kipe nimwe ibashije kubona igitego dore ko umukino warangiye (...)

Sponsored Ad

Kuri uyu wa Gatandatu nibwo shampiyona y’Ubwongereza yari igeze ku munsi wa 8 aho amakipe y’ibikomerezwa yatakaje amanota mu gihe ikipe ya Manchester City ikomeje kuyobora iyi shampiyona ndetse no kwerekana ikinyuranyo hagati yayo n’andi bihanganye.

Kuri uyu wa Gatandatu nibwo hari hategerejwe umukino ukomeye wagombaga guhuza amakipe y’amakeba Liverpool na Manchester Unitedumukino wabereye kuri stade ya Afield bikaza kurangira nta kipe nimwe ibashije kubona igitego dore ko umukino warangiye ari 0-0.

Icyaranze uyu mukino ni ukwiharira umukino kwa Liverpool ndetse ikanyuzamo ikabona amahirwe akomeye gusa birangiye itabashije kubona igitego.

Nubwo izi mpande zombi zanganyije,andi makipe yitwa ko akomeye yo yahabwaga isomo rya ruhago dore ko ikipe ya Chelsea yatwaye igikombe cya shampiyona umwaka ushize,yatsinzwe na Crystal Palace ibitego 2-1 byatsinzwe na Cesar Azpilicueta witsinze na wilfried Zaha mu gihe igitego kimwe rukumbi cya Chelsea cyatsinzwe na Tiemoue Bakayoko.

Igitangaje kuri uyu mukino ni uko ikipe ya Crystal Palace yatsinzwe imikino yose ya shampiyona yari imaze gukinwa uko ari 7 ndetse nta n’igitego yari yashoboye kwinjiza none yazukiye kuri Chelsea.

Ikipe ya Manchester City yo ikomeje kwerekana ko uyu mwaka ifite gahunda yo kwegukana shampiyona dore ko yatsinze ikipe ya stoke City ibitego 7-2 ibitego byatsinzwe na Gabriel Jesus watsinze 2,Raheem Sterling,Leroy Sane,Fernandinho,David Silva na Bernaldo Silva mu gihe ibitego 2 bya Stoke byatsinzwe na Diouf ndetse na Kyle Walker witsinze.

Ikipe yasoje imikino yo ku wa Gatandatu ni Arsenal yatsinzwe na Watford ibitego 2-1 byatsinzwe na Troy Deeney kuri penaliti na Tom Cleverly mu gihe igitego kimwe cya Arsenal gtsinzwe na Per Mertesacker.

Kugeza kuri uyu munsi wa 8 ikipe ya Manchester city niyo iyoboye urutonde rw’agateganyo n’amanota 22 ikurikiwe na Manchester United ifite 20 mu gihe Tottenham ari iya 3 n’amanota 17.

Ikipe ya Chelsea n’iya 5 namanota 13 inganya na Arsenal ya 6 mu gihe Liverpool ari iya 8 nayo ifite amanota 13

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa