Icyamamare mu gukina filimi by’umwihariko z’Igihinde [Priyanka Chopra] n’umugabo we Nick Jonas bakiriye umwana wabo wa mbere wavutse hakoreshejwe uburyo bwo guhuza intanga bwa [surrogate].
Aba bashakanye bamaze imyaka itatu barushinze, basangije aya makuru y’umuryango wabo kuri Instagram yabo kuri uyu wa Gatanu.
Banditse bati: "Dusanzwe n’ibyishimo byo gutangaza ko twakiriye umwana binyuze kuri surrogate. Turasaba mu cyubahiro kubaha ubuzima bwacu bwite muri iki gihe kidasanzwe duhugiye ku (...)

Sponsored Ad

Icyamamare mu gukina filimi by’umwihariko z’Igihinde [Priyanka Chopra] n’umugabo we Nick Jonas bakiriye umwana wabo wa mbere wavutse hakoreshejwe uburyo bwo guhuza intanga bwa [surrogate].

Aba bashakanye bamaze imyaka itatu barushinze, basangije aya makuru y’umuryango wabo kuri Instagram yabo kuri uyu wa Gatanu.

Banditse bati: "Dusanzwe n’ibyishimo byo gutangaza ko twakiriye umwana binyuze kuri surrogate. Turasaba mu cyubahiro kubaha ubuzima bwacu bwite muri iki gihe kidasanzwe duhugiye ku muryango wacu".

Ntibatangaje izina ry’umwana wabo cyangwa igitsina cye nubwo amakuru avuga ko ari umukobwa.

Chopra w’imyaka 39 na Jonas w’imyaka 29, bashakanye muri 2018 mu bukwe bw’igitangaza bwabereye mu Buhinde no muri USA. Byari ibintu bidasanzwe mu minsi itatu ubukwe bwabo bwamaze.

Aba bashakanye bahuye bwa mbere muri 2017 batangaza ko bari mu rukundo ku mugaragaro muri 2018. Basezeranye nyuma y’amezi ane bakundana.

Mu kiganiro yahaye Vanity Fair mu ntangiriro z’uku kwezi,Chopra yavuze ko we n’umugabo we bafite inzozi zo kubyara ariko ntiyavuze ko bategereje umwana vuba.

Ati: "Ni igice kinini mu byifuzo byacu by’ejo hazaza.Ku bw’ubuntu bw’Imana iyo bibaye, bibaho."