skol
Kigali

PSG ifite ubusatirizi buteye ubwoba yananiwe gutsinda Club Brugge muri Champions League

Imyidagaduro   Yanditswe na: Dusingizimana Remy 16 September 2021

Ikipe ya PSG ihabwa amahirwe menshi yo kwegukana igikombe cya Champions League uyu mwaka,yatangiye nabi iyi mikino inganya na Club Brugge igitego 1-1 nyamara yari yabanjemo Messi,Mbappe na Neymar Jr.

Bwari ubwa mbere Lionel Messi akiniye Paris Saint-Germain umukino wose,afatanyije na Neymar Jr na Mbappe ariko ntiyahiriwe kuko Club Brugge benshi bafataga nk’intsina ngufi yayinize bakanganya igitego 1-1 mu mukino w’umunsi wa mbere wo mu Itsinda A rya UEFA Champions League wabereye mu Bubiligi.

Paris Saint-Germain yafunguye amazamu hakiri kare ku gitego cyatsinzwe na Ander Herrera ku munota wa 15, ku mupira mwiza yahawe na Kylian Mbappé,umusanga ahagaze neza mu rubuga rw’amahina.

Kylian Mbappé yashoboraga gutsinda igitego cya kabiri ku munota wa 23, ariko ishoti yateye nyuma yo guherezwa na Lionel Messi, risubizwa inyuma n’umunyezamu Simon Mignolet.

Kapiteni wa Club Brugge, Hans Vanaken,yishyuriye iki gitego ku munota wa 26, ku mupira wahinduwe na Eduard Sobol, atera ishoti rikomeye ryakoze ku kirenge cya Presnel Kimpembe, umunyezamu Keylor Navas ntiyabasha gukuramo umupira.

Lionel Messi yagerageje ishoti ryakubise umutambiko w’izamu mbere y’uko Club Brugge ibona ubuyo bubiri bwakuwemo na Keylor Navas nyuma yo kugeragezwa na Vanaken ndetse na Charles De Ketelaere.

Uyu mukino wagoye Paris Saint-Germain, kuko yatakaje umukinnyi wayo Kylian Mbappé wavunitse agasimbuzwa Mauro Icardi ku munota wa 51.

PSG ni yo yabonye uburyo bwinshi bukomeye mu gice cya kabiri, ariko Messi na bagenzi be ntibabashije kwemeza abakunzi ba ruhago ndetse bamwe bahise batangira kuyitakariza icyizere.

Real Madrid isanzwe yitwara neza muri iri rushanwa,yasanze Inter Milan iwayo iyitsinda igitego 1-0 cya Rodrigo Goes mu gihe Liverpool yatsindiye mu rugo AC Milan bigoye ibitego 3-2.

Uko imikino yose yagenze kuri uyu wa Gatatu

Group A:

Brugge 1-1 PSG
Man City 6-3 Leipzig

Group B:

Atletico 0-0 Porto
Liverpool 3-2 Milan

Group C:

Beskitas 1-2 Dortmund
Sporting 1-5 Ajax

Group D:

Sheriff 2-0 Shakhtar
Inter 0-1 Real Madrid

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Se wa Lionel Messi yasubije abarimo Cristiano Ronaldo bibasiye umuhungu...

Se wa Lionel Messi, Jorge, yafashe icyemezo cyo gusubiza abibasiye uyu...
3 December 2021 0

APR FC yerekeje muri Maroc iri kumwe na kapiteni wayo Tuyisenge

APR FC irahaguruka mu Rwanda kuri uyu wa Gatanu, yerekeza muri Maroc gukina...
3 December 2021 0

Umutoza yishimiye igitego cyo ku munota wa nyuma bimuviramo...

Ku munsi w’ejo, umupira w’amaguru wa Misiri watakaje umunyabigwi witwa Adham...
3 December 2021 0

Lionel Messi yasabwe gusenya Hoteli ye nziza cyane [AMAFOTO]

Iki cyumweru,kizigenza Lionel Messi ari kuvugwa cyane kubera kwegukana...
3 December 2021 0

Myugariro wa Aston Villa yarokotse impanuka ikomeye y’imodoka ye yataye...

Umukinnyi wo muri Premier League witwa Kourtney Hause yakoze impanuka ubwo...
3 December 2021 0

Byiringiro Lague yasubitse ubukwe bwe kubera umukino wa RS Berkane

Kubera umukino wo kwishyura wa CAF Confederation Cup ikipe ya APR FC igomba...
2 December 2021 0