Ikipe ya Paris Saint-Germain yiteguye kurekura abakinnyi icyenda bo mu ikipe ya mbere muri iyi mpeshyi mu gutangira ivugurura rusange.
Iyi kipe yo mu murwa mukuru w’Ubufaransa yababaje abakunzi bayo nyuma yo gusezererwa muri Champions League mu ijoro ryo ku wa gatatu na Real Madrid,nyamara yari imbere n’ibitego 2-0.
Igice cya kabiri cyaranzwe n’ubudasa bwa Karim Benzema cyashegeshe bikomeye abakinnyi ba PSG bituma ikipe ya "Carroll Ancelotti" igera muri 1/4 cy’irangiza.
Kuva muri iri (…)

Ikipe ya Paris Saint-Germain yiteguye kurekura abakinnyi icyenda bo mu ikipe ya mbere muri iyi mpeshyi mu gutangira ivugurura rusange.

Iyi kipe yo mu murwa mukuru w’Ubufaransa yababaje abakunzi bayo nyuma yo gusezererwa muri Champions League mu ijoro ryo ku wa gatatu na Real Madrid,nyamara yari imbere n’ibitego 2-0.

Igice cya kabiri cyaranzwe n’ubudasa bwa Karim Benzema cyashegeshe bikomeye abakinnyi ba PSG bituma ikipe ya "Carroll Ancelotti" igera muri 1/4 cy’irangiza.

Kuva muri iri rushanwa rihuza amakipe yabaye aya mbere i Burayi kuri PSG,byababaje abakunzi b’iyi kipe ndetse bamwe bakomereye Neymar Jr na Messi mu mukino wo kuri iki cyumweru.

Ikipe ya Mauricio Pochettino yigaragaje mu mpeshyi ishize izana abakinnyi biganjemo amazina akomeye,yahabwaga amahirwe yo kwegukana UEFA Champions League uyu mwaka ariko yasezerewe itarenze 1/16 byatumye ubuyobozi bufata umwanzuro wo kugurisha bamwe.

Bivugwa ko imishahara PSG ihemba abakinnyi ugeze kuri miliyoni 300 z’ama euro ku mwaka,aho Messi aza ku mwanya wa mbere ku guhembwa akayabo, kuko yinjiza amayero miliyoni 41 buri mwaka.

Ibinyamakuru L’Equipe na Marca bivuga, Kylian Mbappe na Angel Di Maria bayoboye urutonde rw’abasohoka.

Bivugwa ko PSG yamaze kwakira ko Mbappe azinjira muri Real Madrid ku buntu muri iyi mpeshyi mu gihe Di Maria, na we agiye kurangiza amasezerano i Paris kandi yiteguye kugenda.

Abandi bakinnyi bashobora kugenda ni Leandro Paredes, Idrissa Gueye, Thilo Kehrer, Layvin Kurzawa, Julian Draxler na Ander Herrera.

Biravugwa kandi ko PSG ishobora kurekura umukinnyi umwe hagati ya Messi na Neymar Jr nubwo bose bagifite amasezerano.

PSG irashaka kubakira ku bakinnyi barimo Marquinhos, Marco Verratti, Achraf Hakimi, Gianluigi Donnarumma, Nuno Mendes na Presnel Kimpembe.