skol
Kigali

PSG na Atletico Madrid zatengushye abafana bazo muri UEFA Champions League

Imyidagaduro   Yanditswe na: Dusingizimana Remy 25 November 2021

Umutoza Mauricio Pochettino yongeye gutsindwa na Pep Guardiola wamusezereye muri UEFA Champions League bituma benshi banenga imikinire ye ndetse n’imyitwarire y’abakinnyi b’ibyamamare akoresha.


Paris Saint-Germain yaruhijwe bigaragara na Manchester City ya Pep Guardiola, birangira inatsinzwe umukino.City yahize ifata umwanya wa mbere mu itsinda A nyuma yo gutsinda PSG ibitego 2-1, byatsinzwe na Raheem Sterling ku munota wa 63 na Gabriel Jesus kuwa 76.

Ikipe ya PSG yari ifite ibyamamare nka Lionel Messi, Kylian Mbappe na Neymar Jr ntiyakinnye umupira benshi bari bayitezeho uretse uburyo bw’igitego kimwe rukumbi bagizemo uruhare.

Uwahoze ari umutoza wa Tottenham asa nkaho ashobora kuyobora abaturanyi ba United mumikino ya derby hano muri shampiyona cyangwa ubutaha.

Nubwo PSG yageze muri 1/16,imikinire yayo ntituma abantu bayiha amahirwe yo kwegukana igikombe cya UEFA Champions League nubwo yigwijeho abakinnyi b’ibyamamare.

Iyi kipe yo mu murwa mukuru w’Ubufaransa,irifuza gutwara Champions League ariko abakinnyi bayo by’umwihariko abakina imbere ntibafatanya n’abandi gushaka umupira igihe bawutakaje.

Umutoza Pochettino arifuzaga cyane kwerekeza muri Manchester United gusimbura Ole cyane ko bivugwa ko muri PSG bitamworoheye gutoza ibyamamare birimo.

PSG yateye mu izamu inshuro 2 gusa nubwo ifite biriya byamamare byose,mu gihe City yo yabikoze inshuro 6.

Ikipe ya City yatsinze uyu mukino idafite Kevin De Bruyne, Phil Foden na Jack Grealish basanzwe babanza mu kibuga.

Pochettino yari afite ku ntebe y’abasimbura Gianluigi Donnarumma, Marco Verratti, Angel Di Maria, Gini Wijnaldum hamwe na Sergio Ramos wagarutse avuye mu mvune ndende yavanye muri Real Madrid.

Ku rundi ruhande,ikipe ya Atletico Madrid yahuye n’uruva gusenya ku kibuga cyayo Wanda Metropolitano itsindwa na AC Milan igitego 1-0 cyinjiye ku munota wa 87 gitsinzwe na Junior Messias.

Ibi byatumye ijya mu mazi abira kuko isabwa gutsinda FC Porto ku munsi wa nyuma kugira ngo ikomeze muri 1/16 gusa nanone byaterwa nuko AC Milan izaba yitwaye kuri Liverpool izakira.

Iri tsinda Liverpool ifite amanota 15/15 mu gihe FC Porto ari iya 2 n’amanota 5,AC Milan na Atletico Madrid zifite 4.

Amakipe yamaze kugera muri 1/16:

Ajax (NED)
Bayern (GER)
Chelsea (ENG)
Inter (ITA)
Juventus (ITA)
Liverpool (ENG)
Manchester City (ENG)
Manchester United (ENG)
PSG (FRA)
Real Madrid (ESP)
Sporting CP (POR)

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble jay king

    kuki ikipeya psg ifite abakinyi bakomeyekwisi ikaba irikumwanya mubi umezucho? rekachimire liver pool nachelsea nareal madrid nabayern namatimugifashenezachane

    1 week ago
  • chat_bubble jay king

    kuki ikipeya psg ifite abakinyi bakomeyekwisi ikaba irikumwanya mubi umezucho? rekachimire liver pool nachelsea nareal madrid nabayern namatimugifashenezachane

    1 week ago

Inzindi nkuru

"Ndumva mbabaye"-Robert Lewandowski avuga uko yakiriye kudahabwa Ballon...

Rutahizamu wa Bayern Munich,Robert Lewandowski,yahishuye ko afite agahinda...
7 December 2021 0

Suarez yahishuye impamvu ikomeye iri gutuma Messi atitwara neza muri...

Rutahizamu wa Atletico Madrid,Luis Suarez yatangaje ko impamvu iri gutuma...
6 December 2021 0

Masudi Djuma yahaye igisubizo abafana ba Rayon Sports bamusabiye...

Umutoza wa Rayon Sports,Masudi Irambona Djuma,yabwiye abafana ba Rayon...
6 December 2021 0

Umutoza wa Senegal yabwiye amagambo akomeye Klopp utoza Liverpool wibasiye...

Umutoza w’ikipe y’igihugu ya Senegal yasubije mu magambo akomeye umutoza wa...
6 December 2021 0

APR FC yasezerewe igeze ku muryango w’amatsinda ya CAF Confederations...

Ikipe ya APR FC yananiwe kugera mu matsinda ya CAF Champions League nyuma...
5 December 2021 0

Rayon Sports yongeye kuba insina ngufi imbere ya Kiyovu Sports

Ikipe ya Rayon Sports ikomeje kujya mu bihe bibi muri shampiyona y’u Rwanda...
5 December 2021 0